JW subtitle extractor

Kèk bagay nou ka aprann
sou liv Jòb la.
Liv sa a pami kat lòt liv
ki ekri sou fòm pwezi
epi li pami liv
ki pi ansyen nan Bib la.
Se Moyiz ki te ekri l ozanviwon
1473 anvan epòk nou an.
Li te fè sa nan fen 40 ane
Izrayelit yo te fè ap
vwayaje nan dezè a.
Jòb t ap viv nan vil Ouz.
Petèt Sèm, granpapa Abraram,
se te yon zansèt Jòb.
Menmsi Jòb pa t yon Izrayelit,
li te yon sèvitè Jewova.
Jòb te rich anpil.
Li te gen anpil sèvitè
e li te gen plizyè milye mouton,
chamo ak lòt kalite bèt.
Li menm ak madanm li
te fè dis pitit
e yo te gen gwo respè pou li
nan zòn kote l t ap viv la.
Sepandan, li te pèdi
tout bagay sa yo
akoz yon seri evènman trajik
ki te rive.
Nan moman Jòb t ap pase
anba eprèv yo,
Jewova te di pa gen pèsonn
tankou Jòb sou tè a.
Se sa k fè nou ka konprann
evènman sa yo te rive
apre lanmò Jozèf,
yon moun fidèl,
men anvan Moyiz te vin moun
ki t ap dirije pèp Izrayèl la.
Liv Jòb la gen 42 chapit.
Chapit 1 ak chapit 2 fè nou konnen
kèk evènman ki te pase nan syèl la.
Satan te kontrekare Jewova
e li fè konnen Jòb pap rete fidèl
ak Bondye si l jwenn eprèv.
Soti nan chapit 3 rive nan chapit 31,
nou jwenn yon seri diskisyon
ki te fèt ant Jòb ak twa zanmi l yo,
Elifaz, Bildad ak Sofa.
Elifaz te pase entegrite Jòb nan jwèt,
epi li fè konnen lèzòm
pa itil Bondye anyen.
Bildad te fè konprann soufrans Jòb yo
se yon pinisyon pou peche l te fè.
Yon fason sevè, Sofa te lese konprann
Jòb se yon mechan.
Jòb te eseye defann tèt li
anba fo akizasyon sa yo.
Men, pandan l t ap chèche fè sa,
li te di yon seri pawòl
ki pa kòrèk sou Jewova.
Soti nan chapit 32 rive nan chapit 37,
apre Eliyou, ki te jèn, te fin tande
sa Jòb ak zanmi l yo t ap di yo,
li te bay kèk konsèy ki saj.
Apre sa, soti nan chapit 38
rive nan chapit 41,
Jewova te pale nan mitan
yon van tanpèt,
li te korije panse Jòb.
Li te poze kèk kesyon pou fè l
reflechi sou kreyasyon an.
Èske w te konn sa?
Liv Jòb la esplike tè a ret pandye
san pa gen anyen ki kenbe l.
Yon enfòmasyon se jis
plizyè syèk annapre
pifò moun te vin aksepte.
Nan dènye chapit la,
Jewova te mande twa zanmi Jòb yo
pou yo fè yon sakrifis
e li te di yo Jòb ap priye pou yo.
Jewova te rebay Jòb lasante
ak yon bèl repitasyon.
Li te ba l de fwa plis richès,
li te ba l sèt lòt pitit gason
ak twa lòt pitit fi
epi l te fè l viv 140 an ankò.
Pandan w ap li liv sa a,
gade pou w wè fason
istwa sa a pwouve
se pa Jewova ki lakòz
lèzòm ap soufri,
fason evènman ki te rive
nan syèl la ede n konprann
kesyon dwa Jewova genyen
pou l dirije linivè a,
epi, fason nou jwenn yon apèsi sou
benediksyon Wayòm nan pral pote
pou moun ki fidèl ak Jewova yo
lè n wè jan eprèv Jòb yo fini.

Kèk bagay nou ka aprann sou liv Jòb la