JW subtitle extractor

Fampidiran̈a Bokiny Salamo

Video Other languages Share text Share link Show times

Fampidiran̈a bokiny Salamo.
Salamo io boky araiky
misy hira masin̈y marobe.
Iro hira aby io natao hideran̈a Jehovah,
nampiasain̈y tamy fivavahan̈a marin̈y.
An̈aty boky io,
tsy ela in-800 mimpody
an̈aran̈a Zan̈ahary, Jehovah,
na fan̈afohezan̈a izio, Jah.
Kadirin̈y tan̈atiny 1000 taon̈o
nan̈oratan̈a bokiny Salamo io.
Mosesy olo voanalohany
nanoratra bokiny Salamo io.
Tafarany nimpodianandro
Jiosy aby io ta Jerosalema,
iro baka sesitany ta Babylony,
Ezra panoratra lalàn̈a
nankefa fanoratan̈a izio.
Jehovah nampiasa lelahy
karaha ataony Solomona,
zanakany Kora aby io,
taranakany Asafa ndreky olo hafa koa,
nanoratra boky mankafatatra finoan̈a io.
Fa mandilatrany antsasany amy
Salamo io ndraiky nisoratiny Davida.
Raha nandalo tamy fiain̈anany Davida
raha ten̈a mimpodimpody
aminy ankamaraozany Salamo io ao.
Matetiky misy teny fampidiran̈a
amindro Salamo sasany aby ao.
Izio ahitan̈a olo nanoratra Salamo io,
na man̈amia fan̈azavan̈a momba Salamo io.
Bokiny Salamo io boky
farany lava amy Baiboly ao.
Misy 150 toko an̈atinizio.
Mety zarain̈a dimy bokiny Salamo io.
Maro fotokevitry koran̈iny boky misy hira io.
Fa telo amizio fo handeha hikoran̈intsika.
Fideran̈a Jehovah fotokevitry
ten̈a mimpodimpody aminany io ao.
Maro amy Salamo io midera Jehovah
nohony asa famonjian̈a nataony.
Fa Salamo sasany ndraiky,
mikoran̈a fomba niasany Jehovah raha jiaby,
karaha ataony vatan̈anolombelon̈o,
tany, ndreky ranomasin̈y.
Salamo 83 midera Jehovah,
fotony izy Farany An̈abo amy tany jiaby.
An̈isany fotokevitry koran̈iny Salamo io koa,
Jehovah man̈ampy ndreky mankahery
lan̈ianolo tia izy.
“Pitandren̈y vavaka” koa hivolan̈ana
Jehovah amy Salamo ao.
Baba mamindra fô koa izy,
fotony izy mamela helokonolo panota.
Salamo 23 koa mivolan̈a fa
izy Piambin̈y Ondrikondriky be fitiavan̈a,
fotony izy mitariky, miaro,
ndreky mikarakara vahoakanany.
An̈isany fotokevitry koran̈iny Salamo io koa,
Jehovah han̈ova tany ty paradisa,
ke Fanjakan̈any Mesia ampiasainy
han̈anaovan̈a zen̈y.
Fanjakan̈a io han̈adoso
raha ratsy jiaby ambony tany,
ndreky hampisy fiadan̈ana.
Misy Salamo sasany koa natambatra.
Ohatra zioty Salamo 113
firaka Salamo 118, natambatra araiky.
Hallel hikahian̈a izio.
Asa mba hainao?
Mety iro Salamo aby io nihirainy
Jesosy ndreky pianatranany,
tafaraniro nan̈ano Sakafo Harivany Tompo in̈y.
Salamo 120 firaka 134,
hira fiakaran̈a hivolan̈ana izio.
Maro olo man̈eky fa Salamo aby io
hira nataondro Israelita aby io
isaka iro nanonga ta Jerosalema,
lera iro mandeha man̈aton̈o
fety telo maventy fataondro isaka taon̈o.
Iro Salamo dimy ambin̈y ndraiky,
misy volan̈a mimpodimpody amy
voanalohany ndreky amy faranizio ao,
“Deray Jah!”
An̈isany raha ten̈a maventy
koran̈iny Salamo io koa,
iro faminanian̈a maro momba Mesia.
Jesosy nivolan̈a karaha ty:
“Raha jiaby nisoratiny
momba zaho amy... Salamo
tsy maintsy ho tanteraka.”
Anao koa mamaky bokiny Salamo,
aleva onon̈o karakory ataonizio
manohan̈a Fanjakan̈any Jehovah,
akory ataony Jehovah man̈ampy
ndreky mankahery lan̈ianolo tia izy,
avio akory ataony Jehovah
han̈ova tany ty hanjary paradisa,
aminy alalany Fanjakan̈any Mesia.