JW subtitle extractor

Kèk bagay nou ka aprann
sou liv Eklezyas la.
Se Salomon, yon wa ki te dirije
Izrayèl, nan vil Jerizalèm,
ki te ekri liv sa a.
Li te pran anpil ane
pandan rèy li a
pou l ekri liv Eklezyas la
anvan l te tonbe nan
adore zidòl.
Liv Eklezyas la gen 12 chapit.
Nan chapit 1 an, Salomon
te pale sou
aktivite lèzòm yo ki pa
vo anyen.
Nan chapit 2 a, li egzamine
pakèt bagay li te reyalize yo
pou l te ka chèche sans lavi a.
Salomon te fè konnen
lè yon moun kontinye kouri dèyè
lajan e l chèche fè gwo bagay,
se kòmsi se dèyè van l t ap kouri.
Soti nan chapit 3 rive
nan chapit 6,
Salomon pale de kèk bagay
li te remake
ki ede n vin gen sajès
ki soti nan Bondye a.
Li montre gen yon lè
pou tout bagay.
Li ankouraje moun travay di
e li fè elòj pou byenfè
amitye pote.
Li pale sou jan manje fè
moun gen kè kontan
ak jan yon moun ka rejwi
pou travay li fè
ki se kado Bondye bay.
Soti nan chapit 7 rive
nan chapit 11,
li fè nou reflechi sou
lavi nou nan monn sa a.
Salomon remake lavi a kout,
e yon moun bezwen itilize
tan l, fòs li,
ak sa l posede pi bon fason an.
Sa ap ede l gen yon bon
repitasyon devan Bondye.
Èske w te konn sa?
Salomon te pale konsènan
pwosesis sik dlo a
plizyè syèk anvan syantifik yo
te konprann bagay sa a.
Nan chapit 12 la,
li ankouraje jèn yo
pou yo fè bon chwa.
anvan kalamite laj pote
rive sou yo.
Apre sa, li fè yon rezime sou
tout sa l te di.
Li di:
“Gen lakrentif pou vrè Dye a,
epi obeyi kòmandman l yo,
se tout sa yon moun dwe fè.”
Pandan w ap reflechi sou
liv Eklezyas la,
gade ki sa ki pa vo anyen
e ki sa ki merite pou n ba yo valè,
jan sajès ki soti nan Bondye a
ede n jwi lavi a ki se yon kado,
ak jan chèche gen bon
relasyon ak Bondye
bay lavi n yon sans toutbon
anba dominasyon Wayòm
Bondye a.

Kèk bagay nou ka aprann sou liv Eklezyas la