JW subtitle extractor

耶利米书简介
耶和华任用先知耶利米写低耶利米书
系圣经入面篇幅最长嘅书卷之一
耶利米书唔单止系一本预言书
入面仲包含耶利米嘅个人经历同感受
耶利米仲未出世
耶和华已经关注佢
佢系出自祭司家族嘅
后来
耶利米成为一个善于搜集资料嘅历史家
佢仲执笔写列王纪上
列王纪下同埋耶利米哀歌
耶和华立耶利米做先知嗰阵
佢大概25岁
当时系公元前647年
亦即系北部以色列国陷落大概90年之后
当时嘅局势动荡不安
好多强大嘅国家
都想争夺呢个地方嘅控制权
耶利米做咗先知67年
直至公元前580年为止
佢做先知期间
作王嘅分别有正义嘅约西亚王
邪恶嘅约哈斯
约雅敬
约雅斤
同埋西底家王
耶利米做咗先知大概40年后
亦即系公元前607年
耶路撒冷同圣殿被摧毁
上帝嘅剩余子民就被掳到巴比伦
后来
佢俾人带到埃及
喺嗰度佢继续做耶和华嘅先知
耶利米书喺公元前580年完成
即系耶路撒冷陷落27年之后
先知那鸿
哈巴谷
俄巴底亚
同埋以西结
都系喺同一个时期写低经卷
但以理
亦都系同一时期嘅先知
而佢
就喺公元前536年至完成但以理书
耶利米书有52章
呢本书系根据题材
而唔系根据时间先后嚟排序嘅
喺第一章
耶和华任命耶利米做佢嘅先知
要佢发出毁灭嘅信息
同希望嘅信息
喺第2至24章
耶路撒冷嘅人民拜偶像
当地充满暴行
所以耶和华向邪恶嘅耶路撒冷发出判决
耶和华指示耶利米去将一个瓦瓶打碎
象征耶和华
会点样惩罚耶路撒冷嘅居民
因为佢哋行为邪恶
第29至34章
耶和华向被流放嘅
忠心犹太人发出安慰嘅信息
耶利米重申耶和华对犹太人嘅应许
佢哋会返翻耶路撒冷
实现同大卫所立嘅约
上帝永恒嘅王国
将会为地球带嚟正义嘅新世界
你知唔知道？
但以理先知从耶利米书睇出
耶路撒冷将会持续荒凉70年
之后
上帝嘅子民就会获释
耶利米书有唔少记载
提及耶利米喺迫害下
仍然勇敢宣扬耶和华嘅信息
喺第36章
耶利米吩咐佢嘅书记巴录
将耶和华针对佢子民同列国嘅信息记低
约雅敬王听到人朗读呢啲信息
就嬲到鎅开书卷烧咗佢
不过
耶和华请耶利米重新写过一份
38章讲述西底家王将耶利米交俾仇敌
佢哋将耶利米
揼落一个充满污泥嘅水井
后来
崇拜耶和华嘅以伯米勒拯救咗耶利米
耶利米书仲包含咗对列国嘅严厉判决
呢啲国家包括埃及
非利士
摩押
亚扪
以东
同埋巴比伦
佢哋恶待上帝嘅子民
所以被谴责
耶利米记述咗耶路撒冷陷落之前嘅情况
巴比伦点样毁灭呢个城市
同埋耶路撒冷嘅复兴
当你研读呢本书嗰阵
请留意耶和华点样谴责恶人
但系为忠心嘅人带嚟希望
耶利米面对艰辛嘅情况
佢点样继续忠心执行职务
上帝应许设立嘅王国
会点样为全地带嚟正义