JW subtitle extractor

Nabʼe taq tzij re ri wuj Jeremías.
Jehová xukoj Jeremías che utzʼibʼaxik
jun chke ri e wuj che más nim che kʼo pa ri Biblia.
Xaq xiw taj che kʼo kʼi bʼim kan chupam,
pa ri wuj re Jeremías xuqujeʼ kʼo ri xubʼan pa ri ukʼaslemal
xuqujeʼ ri xunaʼ ri ajqʼaxal tzij.
Jeremías xpe pa jun familia ke ajkojol tabʼal toqʼobʼ,
xuqujeʼ Jehová xchoman chrij are chiʼ majaʼ kalaxik.
Jeremías xubʼan uchak jun investigador e historiador.
Xuqujeʼ xutzʼibʼaj ri e wuj Primero
xuqujeʼ Segundo de los Reyes xuqujeʼ Lamentaciones.
Weneʼ kʼo 25 ujunabʼ are chiʼ xchaʼ che ajqʼaxal tzij
rumal Jehová, pa ri junabʼ 647 a.C.
Majaʼ kqʼax cien junabʼ he chʼakom chi ri reino norteño re Israel.
Ri e junabʼ riʼ are sibʼalaj kʼax, rumal che e kʼi tinamit
kechʼojin chrij ri lugar riʼ rech kok pa kiqʼabʼ.
Jeremías xux ajqʼaxal tzij weneʼ sesenta y siete junabʼ,
kʼa pa ri junabʼ 580 a.C.
Xkʼojiʼ che ajqʼaxal tzij pa taq rajawinik ri utzalaj ajawinel Josías
xuqujeʼ pa taq kiqʼij ri e itzel taq ajawineb’
Jehoacaz, Jehoiaquim, Joaquín xuqujeʼ Sedequías.
Jeremías weneʼ cuarenta junabʼ chik ajqʼaxal tzij are chiʼ,
pa ri 607 a.C., xsachisax uwach Jerusalén rukʼ ri rachoch Dios
xuqujeʼ xekʼam bʼi pa Babilonia ri e judíos che xekam taj.
Qʼaxinaq chi kʼi junabʼ, Jeremías xkʼam bʼi pa Egipto,
chilaʼ xuqujeʼ xuqʼaxej utzij ri Jehová.
Ri wuj re Jeremías xtzʼaqat utzʼibʼaxik pa ri junabʼ 580 a.C.,
qʼaxinaq chi veintisiete junabʼ che sachisam chi uwach Jerusalén.
Ri e ajqʼaxal taq tzij Nahúm, Habacuc, Abdías xuqujeʼ Ezequiel
xkitzʼibʼaj wuj rukʼ ri utobʼanik ri Dios pa taq ri e junabʼ riʼ.
Daniel xuqujeʼ xkʼojiʼ pa taq ri uqʼij Jeremías, are kʼu
kʼa chunaqaj ri junabʼ 536 a.C. xukʼis utzʼibʼaxik ri uwuj.
Pa ri wuj re Jeremías kʼo 52 capítulos.
Ri e kʼo chupam e bʼanom kʼutunem che, are ta pa orden cronológico.
Pa ri nabʼe capítulo, Jehová xukoj Jeremías che utzijoxik
jun tzij re kʼaxkʼolil xuqujeʼ jun chi tzij re eyebʼal.
Pa ri e capítulos 2 kopan 24, Jehová kubʼij
che kuqʼat tzij pa kiwiʼ ri winaq re Jerusalén
rumal che kkiqʼijilaj tyox xuqujeʼ che e itzel.
Xubʼan ri xubʼij Jehová che, Jeremías xupaxij jun bʼoʼj rech kukʼutu
che Dios kukʼajisaj uwach ri tinamit rumal ri itzelal kubʼano.
Ri e capítulos 29 kopan 34 kuya utzalaj taq tzij
re kubʼsal kʼuʼx chke ri judíos.
Jeremías xunaʼtasaj chke ri judíos che Jehová
kubʼano che ketzalij chi na pa Jerusalén
rech kubʼan ri ubʼim che David che
kubʼan jun ajawinik che kʼo ta ukʼisik
xuqujeʼ kukʼam lo sukʼilal pa ri Ulew.
¿La awetaʼm?
Rumal ri wuj re Jeremías, ri qʼaxal tzij Daniel xkunik xretaʼmaj
che setenta junabʼ kuchʼij ri kʼax pa uwiʼ Jerusalén
xuqujeʼ che naj ta chi kraj che Dios keʼukol ri utinamit.
Pa kʼi chke ri capítulos kqasikʼij uwach che Jeremías rukʼ chuqʼabʼ
xutzijoj ri utzij ri Jehová pa neʼ xuriq nimalaj kʼax.
Pa ri capítulo 36, Jeremías xubʼij che ri rajtzʼibʼ ubʼiʼ Baruc,
che kutzʼibʼaj ri utzij ri Jehová chrij ri utinamit
xuqujeʼ chkij ri nikʼaj chik tinamit.
Are chiʼ tajin ksikʼix uwach ri wuj, ri ajawinel Jehoiaquim
xuqupij ri wuj tekʼuriʼ xukʼaq pa qʼaqʼ.
Are kʼu, Jehová jumul chik xubʼij che Jeremías che kutzʼibʼaj chi jumul.
Ri capítulo 38 kubʼij che ri ajawinel Sedequías
xujach Jeremías pa kiqʼabʼ ri e ukʼulel,
che e areʼ xkikʼaq pa jun jul nojinaq che xaqʼoʼl,
are kʼu Ébed-mélec, jun sukʼalaj rajchak Jehová, xresaj loq.
Pa ri wuj re Jeremías kqariq tzij re kʼajisabʼal wach chke kʼi tinamit,
jun chke Egipto, Filistea, Moab, Ammón, Edom xuqujeʼ Babilonia.
Ri e tinamit riʼ xqʼattzij pa kiwiʼ rumal che itzel kkil wi ri utinamit ri Dios.
Chupam ri e bʼantajik che kubʼij Jeremías
kʼo ri kʼisbʼal taq qʼij re Jerusalén,
ri usachik uwach ri tinamit pa kiqʼabʼ
ri babilonios xuqujeʼ ri petinaq chuwach.
Are chiʼ kasikʼij uwach ri wuj re Jeremías,
chawilaʼ che Jehová xuqʼat tzij pa kiwiʼ ri e itzel,
are kʼu xuya keyebʼal ri e sukʼ; che Jeremías qas xubʼan
ri uchak xyaʼik pa neʼ xuriq nimaʼq taq kʼax,
xuqujeʼ che ri Jehová kubʼan ri utzujum che kukoj
ri Rajawbʼal che uyaʼik sukʼilal cho ri uwach Ulew.