JW subtitle extractor

Kèk bagay nou ka aprann
sou liv Lamantasyon an.
Pwofèt Jeremi te ekri
liv Lamantasyon an
yon ti tan apre l te fin wè
Babilòn ansèkle Jerizalèm
e li te detwi l nan ane 607
anvan epòk nou an.
Jeremi te fè konnen
jan l te tris anpil
akoz malè sa a ki te
tonbe sou Jerizalèm.
Liv sa a gen 5 chapit
oswa 5 powèm.
Nan chapit 1 an,
yo dekri vil Jerizalèm tankou
yon prensès ènmi l yo
kite l poukont li
e ki vin yon vèv yo abandone
ki vin tounen yon esklav,
akoz pakèt peche li fè yo.
Nan chapit 2 a,
yo fè konnen se Jewova
ki te fè destriksyon sa a
vin sou Jerizalèm.
Moun ki t ap pase devan mi l yo
ki te tounen pil dekonm
te sezi wè jan vil la
te kraze rapyetè.
Nan chapit 3 a, Jeremi pale
de nasyon an
ki te ret vid tankou moun
ki nan soufrans
k ap plede kòz li devan Jewova
pou l ka fè l sonje jan ka l grav
e l pa gen kote pou l rete.
Sepandan, Jeremi te ret tann
avèk pasyans
e li te di li gen espwa
Jewova ap fè nasyon an
tounen nan peyi l ankò
paske Jewova gen lanmou
fidèl ak mizèrikòd.
Nan chapit 4 la,
li atire atansyon n sou
tanp Jewova a.
Byenke yon lè, se tanp sa a
ki te sant vrè adorasyon an
e li te bèl anpil,
kounye a, li kraze.
Jeremi te pale de yon seri
sitiyasyon ki te bay laperèz
nan Jerizalèm
tankou mizè, grangou
ak lanmò
nan dènye moman yo te
ansèkle l yo.
Èske w te konnen?
Kat premye chapit yo
se akwostich yo ye.
Yo kòmanse chak gwoup
vèsè ladan l yo
avèk yon lèt nan alfabè ebre a.
Yo ekri chapit 5 lan
tankou se moun ki te abite
Jerizalèm nan tan lontan yo
ki pèdi kay yo ansanm ak
libète yo k ap pale.
Jeremi te konpare yo ak
timoun ki pa gen papa
ki mete kò yo toupiti pou
yo mande Jewova
pou l gen pitye pou yo
e pou l delivre yo.
Pandan n ap egzamine liv
Lamantasyon an ki gen 5 powèm,
gade ki jan rebelyon te fè
moun yo sibi jijman Bondye,
jan repantans yo te fè yo
jwenn mizèrikòd li,
ak jan nou pral gen rezon
pou n gen kè kontan
anba dominasyon Wayòm
Bondye a
lè pap gen soufrans ankò.

Kèk bagay nou ka aprann sou liv Lamantasyon an