JW subtitle extractor

Yi naa bed’eabʉchubʉta Lametaciones ʉ̃rʉ.
Propeta Jeremiabara bʉsi libro Lamentaciones
Babiloniaraba Jeruzalen pʉrra jidada k’ãrãpe
makẽnasidade poaga 607de a.e.c.
Jeremiabara so zʉbʉria jarasi
Jeruzalen berabarida k’area.
Naʉ̃ librobara Juesoma kapitulo erbʉ o poemata.
Nabemabara jarabʉ pʉwʉrʉ Jeruzalenra
mĩõ neẽbaita prinsesa kĩrãk’a iyi ne jʉrʉrarãneba
akʉza pẽdra baita, amaenaita,
yaraba zok’abaita iyi nemitia obada k’area.
Kapitulo ũmera jarabʉrʉ Jeowabʉrʉ
makenasita Jeruzalen pʉwʉrʉra.
Yi maʉ̃ k’awa berabari wãpanʉbara
kĩrãmiga akʉpanʉ sãwũã makenanata.
Kapitulo ũbeadera Jeremiabara jarabʉ,
yumakẽrã sobiaẽ bʉ kĩrãk’abʉta k’areba
widibʉta Jeowa kĩrãbemarẽã iyi zʉbʉbʉria nʉmʉta.
Mawũãsidu, Jeremiabara jʉ̃ãbasi,
ĩjãbasi Jeowara kãga jõka erbʉbaera so zʉbʉria
akʉbʉbaera ara oita k’awuabasi ãyi pʉwʉrʉra.
Kapitulo kimarebara jarabʉ Jeowa templo ʉ̃rʉ.
Maʉ̃ra nararã bia kĩrãsimina, mamina atiara zeriẽ.
Jeremiabara nebʉrabʉ zʉbʉria berabarida ʉ̃rʉ
ẽdrʉi neẽãbasi, jarrabadebasi, akʉza beipanasi
Jeruzalen pʉrrasidade.
¿K’awuabasik’a? nabema kapitulo
kimarera akrostiko poemabasita.
Naʉ̃bara jara kĩrãkʉ alpabeto ebreodera
bed’ea aba abak’a bed’eababi basita.
Yi juesomara Jeruzalenne panana
ʉ̃rʉ bed’eabʉ, aduasi ãyi deta, bi’ia baibadata.
Jeremiabara jarabʉ jẽrãmara kĩrãk’abʉta
akʉza edabʉta krĩcha k’ãrãpe
Jeowa k’areba widibʉta ẽdrʉbimarẽã.
Lamentaciones libro estudiabʉrʉde akʉra
sãwũã ũrĩẽbadaba biaẽãma edeta,
jẽda krĩchaiba k’arebabʉ Daizezeba
so zʉbʉria akʉmarẽã,
sãwũã zʉbʉria berabaridaba edeseabʉ
sobia baita Daizeze Nok’o edre.

Yi naa bed’eabʉchuta Lamentaciones ʉ̃rʉ