JW subtitle extractor

Omuaraa parau
o te buka Oto o Ieremia.
Ua papai te peropheta
Ieremia i te Oto o Ieremia
i muri iti noa ’‘e i te haaatiraa
e haamouraa o Ierusalema
na to Babulonia i 607 hou te Mesia.
Te faaite ra o Ieremia i to ’na oto rahi
no nia i te ati tei tairi ia Ierusalema.
E pae pene, aore ra
pehepehe, to teie buka.
Faataa ra te pene 1
i te oire o Ierusalema
mai te tamahine hui arii tei ano
e to ’na mau enemi.
E riro oia ei vahine ivi e ei tîtî faaruehia
no te rahi o ta ’na mau hara.
Te faataa ra te pene 2
e na Iehova iho i afai mai
i te haamouraa i nia ia Ierusalema.
E maere te feia o te ite i te mau patu
paparari o te oire i tera haamouraa.
I te pene 3, te faaite ra Ieremia
i to ’na oto no te nunaa
ma te taparu ia Iehova ia haamana‘o
i te tupuraa peapea mau
e te ati o te nunaa.
Tera râ, ua tiai Ieremia e ua tiaturi e
e tauturu Iehova i te nunaa
maoti to ’na here
e hamani maitai taiva ore.
I te pene 4, te hutihia ra
te ara-maite-raa
i nia i te hiero o Iehova.
I riro na te reira ei pu hanahana
no te haamoriraa mau,
ua ano râ i teie nei.
Te faaite ra o Ieremia
i te mau huru tupuraa ino mau,
mai te ereraa, te o‘e, e te pohe,
i vai na i Ierusalema i te pae hopea
o te haaatiraa o te oire.
Ua ite anei oe?
I roto i na pene
aore ra pehepehe matamua e maha,
e haamata te irava taitahi
e te hoê reta o te piapa Hebera.
Ua papaihia te pene 5
ia au i te mana‘o o te feia
tei ora na i Ierusalema
e o tei ere i to ratou fare e tiamâraa.
Te faaau ra Ieremia ia ratou
mai te otare aita e metua tane
no te taparu haehaa ia Iehova
i to ’na hamani maitai e te faaoraraa.
A hi‘opoa ’i outou na pae pehepehe
o te Oto o Ieremia,
a tapao mea nafea te orureraa hau
e aratai ai i te haamouraa,
te tatarahapa i te hamani maitai
o te Atua,
e te oto i te oaoa i raro a‘e i te
Faatereraa a te Atua.

Omuaraa parau o te buka Oto o Ieremia