JW subtitle extractor

Yi naa bed’eabʉchuta Ezequiel ʉ̃rʉ.
Ezequielra saserdote warrabasi
akʉza Jeowa propetabasi.
Poaga 617de a.e.c Judeadebema nok’o Jeoaquin
zareade Babilonia kãgamarẽã jarasidade.
Ezequielra jida edesida Babilonia ena
maʉ̃ ewaridera nok’o Nabucodonosorba zok’abasi.
Poaga 613de a.e.c. Jeowaba jʉrʉsi
Ezequielta judiora propetabamareã Babiloniane.
Ezequielbara aripe obasi poaga 22 bayeda.
Iya jõma bʉsi librora poaga 591ne a.e.c.
Ezekiel propetabaside Obadia
Jeremiasida propetabasi Judade
akʉza Danielsida, Babiloniade.
Jõma Jeowa trʉ̃ neneẽãbamarẽã
jarabʉra ũdupanʉ libro Ezequielde.
«Jeowaba nejõma zok’aseabʉ»
bed’earabʉ 217 audre.
Ezequiel librobara 48 kapitulo erbʉ.
Kapitulo abaʉdeba
ũbeabayeda ũdupanʉ Ezequielba
k’ãĩmo karadata do chebarde.
Nãgʉ zroma mejãcha nʉmaside,
Ezequielba ũdusi ne k’are kĩrã
kimare zok’aipanʉta, o querubinerata.
Aba abak’a yumakẽrã kĩrãdarrata, imamaneta,
torodeta akʉza ne jõbʉdeta.
Naʉ̃ kĩrãbara jara kĩrãkʉ Jeowa zareata.
Ezequielbara kĩrãmiga akʉbʉ
Jeowa organizasionta ũdusibaera,
naʉ̃bara jara kĩrãkʉ karrʉ Daizeze
Jaure zareaba zok’abʉta.
Kapitulo 4deba 24 edara jarabʉ
Jeowaba Jeruzalen makenana ʉ̃rʉ akʉza santorata
Ezequielbara jarabʉ Jeowaba
propesiara ne k’are o ũdubibʉdeba.
Yiza jaraita, Jeowaba osi Ezequielba bʉmarẽã
pʉwʉrʉ Jeruzalenta sementoba akʉza wãrĩnuara
kĩrãk’a paramarẽã jarasi.
Audu pʉrra o ũdubisi,
mõbe jʉ̃ãbesi 430 ewaribayeda.
Kapitulo 25deba 32 bayeda,
Jeowaba akʉbasi pʉwʉrʉ sirkundanterata.
Ãyira bed’ea puata ũrĩsi iyi
pʉwʉrʉare baẽbasibaera.
Jeowabara Ezequieldeba, jarasi pʉwʉrʉ Tiro
sãwũã beita ãyi nok’osida.
¿K’awuabasik’a? propesia Tiro ʉ̃rʉ
ne k’are ũmeberabaridata.
Poaga berabarida tẽã Nabucodonosorba
makenasi maʉ̃ pʉwʉrʉra,
Alejandro Magnoba eda jõma makenasi
puente okãrãpe dodu Tiro eda,
Nabucodonosorba wiña amenarata.
Kapitulo 33deba 48bayedara jarabʉ ʉ̃rabʉrʉ
k’ãrẽ bia weita akʉza Daizeze kãgadai ʉ̃rʉ.
40deba 48bayeda akʉpanʉ
Jeowaba Ezequiel’a ũdubibʉta templota.
Naʉ̃ templobara jarabʉ Jeowa wãrĩnu kãgadai deta.
Naʉ̃ libro akʉbʉde, akʉra Jeowaba nebia erbʉta,
akʉza Ezequielba jõma ũrĩbasita iya zok’abʉra
akʉza Jeowaba ãba jʉre edaita ẽbẽra
jõmaʉ̃ta iyi Nok’oba zok’abʉrʉde.