JW subtitle extractor

Omuaraa parau o te buka Ezekiela.
E tamaiti o Ezekiela a te hoê tahua
e e peropheta oia a Iehova.
Ua ora oia i Iuda
tae atu i 617 hou te Mesia.
Tei raro a‘e ïa te arii
Iehoiakina ia Babulonia.
Ua afai tîtî te arii
Nebukanesa i te ati Iuda,
ia Ezekiela atoa, i Babulonia.
I 613 hou te Mesia,
ua faaue Iehova ia Ezekiela
ia faaite i te mau parau tohu
i te ati Iuda afai-tîtî-hia.
Ua rave maite Ezekiela i ta ’na hopoia
e 22 matahiti i te maoro.
Ua oti ta ’na buka i 591 hou te Mesia.
Hoê â tau ohipa ei peropheta
to Ezekiela e to Obadia
e Ieremia i Iuda
e to Daniela i Babulonia.
Ua haafaufaahia te haamo‘araa o
to Iehova i‘oa i roto i te buka Ezekiela.
E itehia te parau “te Fatu ra
o Iehova” hau atu 200 taime.
E 48 pene i roto i te buka Ezekiela.
Te pene 1 e tae atu i te 3,
no nia ïa i te mau orama faahiahia
ta Ezekiela i ite i te pape Kebara.
A tupu ai te hoê mata‘i puai,
ua ite o Ezekiela i e maha melahi
aore ra kerubi hanahana mau.
E maha hoho‘a to ratou taitahi:
hoho‘a taata,
liona,
puaatoro oni
e aeto.
E taipe te reira no te mau
huru maitatai a Iehova.
Ua faahiahia o Ezekiela
a ite orama ’i
i te hoê pereoo rahi
arataihia e te varua mo‘a.
O te tuhaa ïa i te ra‘i
o ta Iehova faanahonahoraa.
Te pene 4 tae atu i te 24,
no nia ïa i ta Iehova
haavaraa ia Ierusalema
e i te nunaa orure hau, haamori idolo.
Faaite pinepine Ezekiela
i ta Iehova mau parau tohu
maoti te mau ohipa taipe.
Ei hi‘oraa,
ua faaue Iehova ia ’na ia nana‘o
i te hoho‘a o Ierusalema
i nia i te tahi ofai
e ia hamani i te hoê haaatiraa.
Ua tarava Ezekiela i to ’na pae
e 430 mahana i te maoro,
ei taipe no te haaatiraa i mua.
I te pene 25 tae atu i te 32,
ua faautua Iehova
i te mau nunaa tapiri,
tei patoi i to ’na iho nunaa.
Maoti Ezekiela,
ua tohu Iehova i te haamouraa
o te oire Turia e o to ’na arii.
Ua ite anei oe?
Ua tupu te parau tohu no nia
ia Turia na roto e piti tuhaa.
Ua haamou Nebukanesa i te oire rahi.
Maoti ta Nebukanesa i haaparari,
ua patu o Alesanedero Rahi
i te hoê e‘a no te haamou roa
i te oire motu o Turia
tau matahiti i muri iho.
Te pene 33 e tae atu i te 48,
no nia ïa i te tiaturiraa
e te haamau-faahou-raa
i te haamoriraa mau.
I te pene 40 e tae atu i te 48,
ua ite orama o Ezekiela i te hoê hiero.
Te haapapu nei te reira
e mea teitei ta Iehova mau ture aveia
i te pae o te haamoriraa mau.
A taio ai i tera buka parau tohu,
a feruri i nia i te mau huru maitatai
faahiahia mau a Iehova,
i to Ezekiela auraroraa
i ta ’Na mau aratairaa
e i ta Iehova parau fafau
e tahoê i te taata atoa
no te haamoriraa mau
maoti te Faatereraa arii.