JW subtitle extractor

Omuaraa parau o te buka Daniela.
Ua papaihia te buka parau
tohu Daniela i Babulonia.
Ua afaihia oia i Babulonia,
ei raatira apî no Iuda e te
tahi atu feia tiaraa teitei.
A mairi ai te tau, ua tavini
Daniela ei tia a te hau Babulonia
e i muri iho, a to Medai e Peresia.
E haamata Daniela i ta ’na
buka ma te faahiti i tei tupu
i 618 hou te Mesia, e taata apî noâ oia.
Ua oti te papairaa i 536 hou te Mesia.
Ua ora Obadia, Ezekiela e
Ieremia i te hoê â tau e o Daniela.
Ua ora ratou i te hoê tau
peapea mau o to Iseraela aamu,
mai te haamouraa o Ierusalema.
Ua ite Daniela i to Medai e
Peresia haruraa ia Babulonia
e te ho‘iraa o te toea taiva ore
o to te Atua nunaa i Ierusalema.
Aita râ oia i ho‘i i Ierusalema na
muri ia ratou no to ’na matahiti rahi.
E 12 pene to te buka Daniela.
Mai te pene 1 tae atu i te 6,
e faahitihia ta Daniela e ta to ’na na
hoa e toru i faaruru a mairi ai te tau.
Mai te pene 7 tae atu i te 12,
e faatia Daniela i te moemoeâ
tohu e orama no ǒ mai i te Atua.
I te pene 1, 3 e 6,
ua faahitihia nafea Daniela e to ’na
na hoa i faaruru ai i te mau tamataraa.
Ua patoi tera feia apî
i te mau maa e inuraa
o te haaviivii ia ratou i mua i te Atua.
I muri iho, ma te itoito, ua faaruru o
Sadaraka, Meseka e o Abede-nego i
te pohe i roto i te umu auahi ura.
Aita hoi ratou i haamori i te tii rahi
faaauhia i te faatereraa a Babulonia.
Tau matahiti i muri a‘e,
ua matara mai te hoê ture o te
faahepo i te taata ia pure ia Dariu noa.
Ua tamau râ Daniela
i te pure ia Iehova
e ua taorahia oia i roto
i te hoê apoo î i te liona.
I mua i te tamataraa taitahi,
ua vai taiva ore o
Daniela e to ’na mau hoa
e ua paruru Iehova ia ratou.
I te pene 2 e 4, e itehia nafea
Daniela i faataa ’i maoti Iehova
i na moemoeâ e piti a Nebukanesa.
E auraa parau tohu
to na moemoeâ taitahi.
I te moemoeâ matamua,
itehia te hoê tii rahi metara rau.
O te mau mana ïa o te ao atoa
te tahi muri iho i te tahi o tei
patoi i to te Atua nunaa.
I te pae hopea,
e faaorehia teie mau mana
e e haamauhia te Faatereraa
arii a te Atua i nia i te ao taatoa.
I te piti o te moemoeâ, itehia te hoê
tumu raau e haere roa ra i te ra‘i.
Ua tâpûhia e ua ruuruuhia
to ’na a‘a e hitu tau te maoro.
O te faataimeraa ïa o te faatereraa.
Tera râ, ua vaiiho-noa-hia te a‘a,
ei tapao no te
haamau-faahou-raa o te faatereraa.
I te pene 5,
ua faahitihia te papai-semeio-raa
i nia i te patu o te aorai,
i reira Belesazara i arearea ’i.
Ua parau Daniela ia Belesazara e
te faaara ra te papairaa e e
haru to Medai e Peresia ia Babulonia.
O tei tupu ïa i tera iho â po.
Ua ite anei oe?
Ua papaihia te rahiraa o te
buka Daniela na roto i te reo Arama.
Mea matauhia i te tau tahito
ia paraparau i te reo Arama.
Hoê â reta to te piapa
Arama e to te Hebera.
I te pene 7 e 8, ua ite orama
Daniela i te mau puaa taehae,
o te tiaraa e hi‘araa ïa o Babulonia,
Medai e Peresia, Heleni e Roma.
Hau atu, ua horoa
Iehova i ta ’na Tamaiti
te hoê Faatereraa arii o te vai noa
e o te mono i te mau faatereraa atoa.
I te pene 9, maoti ta ’na
haapiiraa i te Parau a te Atua,
ua ite maite Daniela e fatata
roa te faatiamâraa o to Iuda.
I muri iho, a pure ai Daniela,
ua fa mai te hoê melahi e ua horoa ’tu i
te mau haapapuraa
hau no nia i te Mesia.
I te pene 10 e tae atu i te 12,
e faaitoito faahou te
hoê melahi ia Daniela
e ua horoa ’tu i te mau
orama hau no nia i te a muri a‘e.
Te rahiraa o te parau tohu,
no nia ïa i te hoê aroraa i rotopu
i e piti arii no te haru i te mana arii.
tohu i te tupu
“ia tae i te mau mahana hopea.”
Ua haapapu te melahi ia
Daniela i ta te Atua farii maitai
e noa ’tu fatata roa Daniela i te pohe,
e tia faahou mai oia
“i te hopea o te mau mahana.”
A taio ai i tera buka,
a tapao na e mea faufaa roa no
Iehova te taiva-ore-raa o Daniela,
e nafea Iehova e faaohipa ’i i te mau
arii e faatereraa ia tupu to ’na hinaaro
e e horoa ’i i ta ’na
Tamaiti i te Faatereraa arii
o te mono i te mau
faatereraa atoa e a muri noa ’tu.