JW subtitle extractor

Yi naa bed’eabʉchuta Joel ʉ̃rʉ.
Joelra pʉwʉrʉ ũmemae propetabasi
Judade poaga nuewede dayirã ewari nãã.
Iyi propesia bʉsikĩrãbʉ poaga 820de,
Uziaba zok’abasi ewaride.
Joelra basi propetara Jonás akʉza Amós ewaride.
Naʉ̃ librobara tres kapitulo erbʉ
akʉza jarabʉ «Daizeze ewari zeita».
Kapitulo 1neba 2 bayeda jarabʉ adichichiraba
makosidata drʉara ãyi wãmaera jarrabata amaeita.
Adichichirarã yi kidara imama kida kĩrãk’a bʉa.
Wũ ẽ bapanʉ kawayo kĩrãk’a,
wãwãdrʉbʉsi korogoro kĩrãk’a,
ãyi bʉgadrʉra yõbari karru kĩrãk’a b’iabʉa.
Yi kãgai zeri ẽ ãra ẽ aba wãmina
Jeruzalenne adewara Judade,
Jeowa bara iduari ẽ bayi
pʉwʉrʉde nemitia obʉra.
Juda de bema ẽbẽrarã makena ẽ marẽãra
nemitia opanʉta o ẽ baibara
akʉza Jeowa ma jẽda wãi bara.
¿K’awua basika? Apostol Pablobara
jara ũrĩbisi Joel librode eda bʉ chuta:
«Jeowa zʉbʉria bed’ea bʉ dara ẽdrʉ d’aya».
Daizeze trʉ̃ jaraira jara
kĩrãkʉ Jeowa ũdu k’awuaita,
ĩjãita, ũrĩ bara akʉza iyita
nãã bʉei bara dayirã bebʉira.
Kapitulo 3 dera, trʉsida pʉwʉrʉrarã
Daizeze pʉwʉrʉ zʉbʉria obʉda k’area.
Birachidayi jĩrʉba uba birachibari kĩrãk’a.
Jeowabara jarabʉ iyi Nok’oba weita
nebiara dayirãita akʉza jauredebemaita.
Ʉ̃tʉ bajãne akʉza egorode, jõma
ãbapanañi yi wãrĩnu kãgapanʉta.
Bʉa Joel libro akʉbʉrʉde, bi’ia akʉra yi ẽbẽra
Jeoware wãnaẽãra sãwũã bia wãẽãta,
akʉra sãwũã awuarabʉta yi kayirua
opanana wã oẽãra Jeowama jẽda wãbʉta,
sãwũã aripe berabaribʉta Joelba
jaradara Daizeze Nok’o ʉ̃rʉ jaradiapanʉneba.