JW subtitle extractor

Kèk bagay nou ka aprann
sou liv Amòs la.
Amòs, pwofèt ki te ekri liv
ki pote non l lan,
te fè konnen li te konn
pran swen bèt,
e se pye fig sikomò
li te konn okipe.
Amòs te soti Tekowa, yon vil
nan Jide ki nan sid Jerizalèm.
Jewova te plis itilize Amòs
pou pwofetize sou Wayòm nò a,
anpalan de Izrayèl.
Amòs te pwofetize
ant ane 829 rive nan 804
anvan epòk nou an,
epòk wa Jewobowam II
t ap dirije.
Amòs te ekri pwofesi
li te anonse a
nan zòn ane 804 anvan
epòk nou an
lè l te retounen Jida.
Li te viv nan menm epòk ak
pwofèt Jonas, Jowèl ak Oze.
Liv Amòs la gen 9 chapit.
Nan chapit 1 an,
nou jwenn yon seri mesaj jijman
kont kèk nasyon ki te ozalantou.
Chapit 2 a fè konnen yo
t ap jije Mowab,
Jida ak wayòm dis tribi
Izrayèl ki te nan nò a.
Soti nan chapit 3 rive
nan chapit 6,
nou jwenn yon mesaj jijman
kont nasyon Izrayèl la,
paske moun yo t ap pratike
fo relijyon,
e yo te derefize aksepte disiplin.
Moun Izrayèl yo te vin ava
e yo te atache ak
bagay materyèl.
Madanm marye granpanpan yo
t ap fè presyon sou mari yo
pou yo dechèpiye malere yo.
Chapit 7 ak chapit 8
pale konsènan yon seri
vizyon ki enpresyonan.
Amòs te wè yon pakèt krikèt
k ap vole pèsonn pa t ka bloke
ak yon dife k ap fè ravaj.
Annapre, li te wè yon fil aplon
ki montre jis nan ki pwen
Izrayelit yo te meprize
kòmandman Jewova yo,
finalman, yon pànye ki gen
fwi ki bon nan sezon ete
ki montre Izrayèl t apral
detwi talè konsa.
Èske w te konnen?
Pandan kolèj santral
nan premye syèk la
t ap fè yon reyinyon,
Jak, yon frè Jezi bò
kot manman,
te fè referans ak liv Amòs la
pou l montre Jewova t ap
rasanble ni moun ki Juif,
ni moun ki soti nan lòt nasyon,
pou yo vin eritye Wayòm nan.
Chapit 9 la pale de pwomès
Jewova fè
pou l rebati kay David la,
anpalan de moun ki t ap
wa nan fanmi David
pou rive nan Wayòm Mesi a.
Pandan w ap li liv Amòs la,
note jan Jewova sèvi ak
moun ki gen imilite
pou l fè yo fè travay ki enpòtan,
jan sa pap mache byen
pou moun ki met konfyans yo
nan bagay materyèl
e ki pa bay Bondye regle
anyen pou yo,
ak fason Jewova anonse
l ap tabli Wayòm Mesi a.

Kèk bagay nou ka aprann sou liv Amòs la