JW subtitle extractor

Yi naa bed’eabʉchuta Amós ʉ̃rʉ
Amosba, bʉsi libro iyi trʉ̃ erbʉta,
jarabʉ iyira paka akʉ bari basita,
akʉza igo sikomorota bʉa basi.
Amosra Tekoade bema basi,
Juda pʉwʉrʉde Jerusalen bareare.
Jeowa bara zok’a bʉesi bed’ea jara
marẽã Israel pʉwʉrʉ wadiare.
Amosra propeta basi poaga 829 deba 804 bayeda,
Jeroboan 2 ba zok’a basi ewaride,
Iyi propesiara ma bʉsi poaga 804de,
Juda eda wãna tẽã.
Amosra basi propeta Jonas,
Joel akʉza Oseas basi ewaride.
Amós libro bara 9 kapitulo erbʉ.
Kapitulo 1 nera jarabʉ, pʉwʉrʉ bio
arak’aita bemararã k’ãrẽ berabarita.
Kapitulo 2 dera jarabʉ, Moab, akʉza Juda
bed’ea data adewara Israel diez tribʉme.
Kapitulo 3 deba 6 bayedara jarabʉ,
Israel pʉwʉrʉ makini ʉ̃rʉ
ãyi religion zeri ẽãne eda wãsi baera,
akʉza ũrĩna ẽ baera ũrãg’ata.
Mama bema pʉwʉrʉ bara mejãchade
kãga panʉ ne k’ãrẽ bia erbaita.
Wẽrãra bara kãga panʉ ne bia erbaita,
maʉ̃ba ne zrʉga bibʉ yikimara.
Kapitulo 7 deba 8 bayedara jarabʉ,
amosba ne ũduda ʉ̃rʉ.
Amos bara adichichi mejãcha nʉmʉta ũdusi,
akʉza tʉbʉ pʉrea nʉmʉta.
Ũdusi plomadata, Israelba aña
obasi baera Daizeze leyta.
Ũdusi netata, Israel pʉwʉrʉ
makenaita arak’aita ba baera.
¿K’awua basika? Zõrãra buru bia ãba
yi jʉre badara nabema siglode,
Santiago Jesu mebẽãba jarasi,
Amós libro dera jarabʉ,
Jeowa bara ãba jʉre edaita
judiorata akʉza judiora ẽãta.
Kapitulo 9 dera jarabʉ, Jeowaba
Dabi’a jara dara aripe oita,
mamaʉ̃ba zei baera Nok’o biata.
Amós libro akʉ bʉrʉ dera, bi’ia akʉra Jeowa
bara zok’abʉta ẽbẽra eda bʉta krĩcha bʉra,
akʉza Daizeze kãgai kaʉde yi ẽbẽra ne
bia erbaita kricha bʉra maʉ̃ra bia wã ẽ,
adewara sãwũã Jeowaba aripe
jarabʉta Nok’o bia zei ʉ̃rʉ.