JW subtitle extractor

Omuaraa parau o te buka Amosa.
Te faataa ra Amosa,
te peropheta tei papai
i te buka i topahia i to ’na i‘oa,
ia ’na iho mai te hoê faaamu puaatoro
e patia maa suke.
No te oire no Tekoa i Iudea
i te tuhaa apatoa o Ierusalema,
o Amosa.
Ua tono Iehova ia ’na
ei peropheta na mua roa
i te hau a Iseraela i apatoerau.
Ua tohu Amosa i te area tau 829
tae atu i 804 hou te Mesia,
a arii ai Ieroboama II.
Ua papai paha Amosa i ta ’na
parau tohu i 804 hou te Mesia,
i muri a‘e i to ’na ho‘iraa ’tu i Iuda.
Ua ora na oia i te hoê â tau
e te mau peropheta Iona,
Ioela,
e Hosea.
E iva pene to te buka Amosa.
E poroi haavaraa i te mau nunaa tapiri
to roto i te pene 1.
I te pene 2,
e parau faautuaraa ïa i to Moabi,
Iuda
e i na opu hoê ahuru
o Iseraela apatoerau.
Mai te pene 3 tae atu i te 6,
e poroi haavaraa ïa ia Iseraela
no ta ’na mau peu haamoriraa hape
e no to ’na patoi-u‘ana-raa i te a‘oraa.
I pee na Iseraela i te hoê
huru oraraa nounou moni,
niuhia nia te mea materia.
Ua faahepo te mau vahine nounou
te mau mea unauna
ia hamani ino ta ratou tane
i te feia veve e tei riirii.
E haapueraa orama huru ê rahi
ta te pene 7 e 8 e horoa mai.
Ite atoa Amosa i te hoê aere vivi vî ore
e te hoê auahi ura haapau.
E faahoho‘a te hoê anave tapau
mea nafea Iseraela i te fariu-ê-raa
i te mau titauraa a Iehova.
I te pae hopea,
na te hoê ete maa hotu e faataa mai
e ua piri te hopea o Iseraela.
Ua ite anei oe?
A ruru ai te tino aratai
i te senekele matamua,
ua faahiti Iakobo, to Iesu taeae,
i te buka Amosa no te faaite
e rave mai Iehova i te feia e fatu i te
Faatereraa arii
mai roto mai te ati Iuda e te nunaa ěê.
E faahiti te pene 9 ta Iehova fafau
e ‘faatia i te sekene a Davida,’
ma te faataa te opu hui arii
e aratai i te Faatereraa arii Mesia.
A taio ai oe te buka Amosa,
a tapao nafea Iehova
ia faaohipa te feia haehaa
no te hoê ohipa faufaa,
e nafea te feia tei tiaturi
i te mau mea materia
e tei tâu‘a ore ia Iehova
e ore ai e manuïa,
e nafea Iehova e tohu ai te haamauraa
o te Faatereraa arii Mesia.