JW subtitle extractor

Fampidiran̈a bokiny Levitikosy.
Mosesy nanoratra bokiny Levitikosy io tamy 1512 T.K.,
tamy tany paikiny Sinay tan̈y.
Izikoa zahan̈a dikany Levitikosy zen̈y,
baka amy volan̈a griky, dikany
“natokana niny Levita.”
Kanefa izikoa zahan̈a boky io,
tsy nindro Levita aby io zaraiky fo nanoratan̈a izio fa
nindro Israelita jiaby koa.
Levitikosy io mitantara raha nandalo tan̈atiny fanjava araiky.
Raha nandalo zisty tafarany nivitany tran̈olay masin̈y.
Fahamasin̈any Jehovah raha ten̈a koran̈inizio ao,
baka io afaka ho masin̈y koa vahoakanany,
izikoa man̈araka volan̈anany.
Amy toko 1 firaka 7,
mikoran̈a iro lalàn̈a momba fan̈anovan̈a soron̈o niny Jehovah.
Amy toko 8 firaka 9,
mikoran̈a fomba nan̈apitrahan̈a iro pisoron̈o aby io amy toeran̈andro,
nan̈osoran̈a Arona pisoron̈obe,
baka io soron̈o voanalohany nataony Arona niny Zan̈ahary.
Amy toko 10, koran̈iny ao fa
Jehovah namono zanaka Arona aroe lahy,
tsy azovy zen̈y fa Nadaba ndreky Abiho,
fotony iro nan̈amia motro tsy aradalàn̈a na emboko.
Ke Jehovah baka tio nan̈amia lalàn̈a fa
pisoron̈o tsy tokony higiaka toaka foeky,
izikoa fa hiditry amy tran̈olay masin̈y.
Amy toko 11 firaka 15,
ao Jehovah nan̈amia lalàn̈a momba raha madio ndreky tsy madio.
An̈isany zen̈y raha momba hanin̈y,
Jehovah nan̈ambara iro Israelita aby io
ino biby mety ahanin̈y ndreky tsy mety ahanin̈y.
Amy toko 16,
mikoran̈a raha hatao aminy Andra Fandrakofampahotan̈a.
Toko 17 firaka 20, ao misy lalàn̈a momba fitondranten̈a.
Ohatra,
olony Zan̈ahary tsy tokony hihina lio,
na hanompo sampy, na han̈ano aody,
karaha iro firenena tsy manompo izy.
Iro koa tokony hahinakinaka olo jamba,
ndreky maren̈iny, baka io vahiny.
Avio tokony han̈aja olo matoe koa iro.
Asa mba hainao?
Lamin̈y hitantsika amy bokiny Levitikosy io,
“alokony raha tsara mbala ho avy”,
hazavainy bokiny Hebreo.
Ohatra, pisoron̈obe io mifan̈itsy amy Jesosy Kristy,
liondro biby aby natao soron̈o in̈y,
mifan̈itsy amy liony Jesosy.
Pisoron̈obe niditry tamy Farany Masin̈y in̈y
mifan̈itsy amy Jesosy niditry tamy “lan̈itry”
araiky nisehoany Jesosy “manoloan̈a Zan̈ahary,
taminizy nisolo atsika.”
Toko 21 firaka 22,
mikoran̈a fitsipiky momba pisoron̈o.
Ohatra,
olo nan̈ano fanompoan̈any pisoron̈o zen̈y,
tsy tokony nisy antsa foeky.
Toko 23 firaka 24,
misy lalàn̈a mahakasiky fety ndreky andra masin̈y.
Jehovah koa nan̈amia fitsipiky momba jiro tamy tran̈olay masin̈y tao,
ndreky momba iro mofo boribory natao mofo aseho.
Koran̈iny toko 24 koa fa,
tokony hankamasin̈iny an̈aran̈a Zan̈ahary.
Amy didiny Jehovah,
lan̈iany olo man̈ozon̈o an̈aran̈anany io,
tsy maintsy torahan̈a vato firaka izy maty.
Amy toko 25, ao misy lalàn̈a momba Sabata,
taon̈o Jobily,
fan̈ampodianan̈a raha amy tompiny,
ndreky fitondrasan̈a olo masikiny.
Lan̈iany olo mividy andevo,
tokony tsara fan̈ahy aminany,
ke tokony hataony karaha olo karamainy in̈y fo izy.
Amy toko 26,
mikoran̈a ino aby fitahian̈a ho azonolo man̈araka volan̈a Jehovah,
ndreky raha hahazo olo tsy man̈araka volan̈anany.
Amy toko 27 farany,
ao misy lalàn̈a momba raha nan̈anovan̈a voady tamy Jehovah
ndreky raha voatokan̈a ninany.
Anao koa fa mamaky bokiny Levitikosy,
iritrireta akory hafahantsika mangala tahaka Jehovah,
baka ho masin̈y karaha izy,
akory tokony hataontsika baka atsika han̈aja an̈aranany masin̈y io,
akory hafahantsika hahazo antoko fa
tany jiaby ty han̈amasin̈y an̈aran̈a Zan̈ahary,
koa fa mitondra Zanakanany,
araiky Pisoron̈o Ten̈a Maventy
baka avy io Panjakany Fanjakan̈any Zan̈ahary.

Fampidiran̈a Bokiny Levitikosy