JW subtitle extractor

Yi naã bed’ea bʉchuta Abdías ʉ̃rʉ.
Abdiara Jeowa propeta basi.
Babiloniaba Jerusalén pʉwʉrʉ makenana tẽã,
Abdiaba bʉsi Daizeze Bed’eata 607de
Abdías, Jeremías, Daniel akʉza
Ezekielta panasi iyabaʉ ewaride.
Iyi librora audre wiña bʉ kapitulo aba bʉbaera.
Abdías bara jarasi Edom pʉwʉrʉ’a
Jeowaba makenaita.
Babiloniarãba Jerusalén makenasi dade,
Edomitararã sobia sida Israel
zʉbʉria nʉmʉ k’area.
Edomitarã bara jida panasi yi mirʉ wãpanʉra
akʉza Babilonia diapanasi adewara
judiora nebiata zrʉga panasi.
¿K’awua basika Edomitarãta
Israel mẽbera basita?
Ãyira sesi mĩgʉizʉra Jacob, Esaudeba.
Trʉ̃ga sida Edom maʉ̃ bara jarabʉ «yi purruta»
trʉ̃ga sida nabema baiba data
lenteja koi k’area amaẽsi baera.
Abdiabara jarasi puwuru Edomra
zrʉga daita iyi neũduk’awua badaba.
Maʉ̃ra bera barisi babilonioraba
Edom ãyi juwa edre babiside.
Maʉ̃ tẽãne Edomra neẽ nʉmesi.
Bersikulo jõbodo are,
Jeowaba jarabʉ israelra
ara oita akʉza ãba yi jʉre biyi iya
jarabʉ ũrĩna marẽã Jeruzalenne.
Naʉ̃ libro jõbodo are jarabʉ:
«Maʉ̃ nok’oara baira Jeowade bayi».
Naʉ̃bara jara kira bʉ Jeowa abaʉ bʉrʉ
ne jõma zok’a seabʉta ewari jõmaʉ̃nẽ.
Naʉ̃ libro akʉbʉrʉde krĩchara Jeowaba ũdu k’awua
bʉta iyi pʉwʉrʉ nemitiaba zʉbʉriabi bʉta,
jũãpanʉ k’awua panʉ baera
wãrĩnu zeita zʉbʉria nʉmina
akʉza Jeowaba ne jõma
zok’ai baera ewari jõmaʉnẽ.

Yi naa bed’eabʉchuta Abdías ʉ̃rʉ