JW subtitle extractor

Een introtutsioon
fom puuch Opatias.
Opatias waar een
profeet fon Yeehoowa.
Er hot profetisiirt unkefeer
n 607 foer Kristus,
noo ti papiloonier
Yerusalem fernicht hon.
Opatias hot in te sëlwich tsayt
wii ti profeete Yeeremias,
Taniël un Esekiël keleept.
Tas puuch fon Opatias is te kleenste
puuch fon te Hepreeyxe Xrifte.
Es hot noore een kapitel.
Opatias pexraypt tas pexeet
fon kericht keeche ti natsioon Etom.
Ti etomite hon sich kefrayt mit
te israelite sayn xwiirichkheete,
wii ti papiloonier
Yerusalem fernicht hon.
Ti etomite hon ti israelite
woo aus keris sin, kefang
un fer ti papiloonier ap këp.
Un hon aach mit keholef Israel
sayn raychtum se xteele.
Wust tuu?
Ti natsioon Etom
waar parent fon Israel.
Ti waare nookhomer fon Yaakop
sayn tswiling pruuter Esau.
Esau hot te naame Etom kriit,
woo “root” petayt,
noo er tas ërpxafts rëcht
fom ëlteste khint
uf een root lintse sup,
ketrok hot.
Opatias hot profetisiirt
tas ti natsioon Etom
teet kextool wëre fon tii woo mit
tëm een pakt kemacht hon.
Ti profetsii hot aan
kefang sich erfiile,
wii ti papiloonier
Etom kewun hon.
Mit te tsayt is Etom
kans fernicht këp.
In te lëtste wersikele,
ferxprëcht Yeehoowa
tas sayn folk eenich këpt
un tas er ti woere aanpeetung
in Yerusalem noo mool uf xtëlt.
Tas puuch keet soo am ën:
“Ti rechiirung wërt fon
Yeehoowa khome,”
tas tsaycht tas Yeehoowa
sayn rëcht fer se rechiire
nii mee in frooche
kextëlt wërt.
Wiis tuu Opatias leest,
kuk wii Yeehoowa wees ti
yachtung woo sayn folk mit macht,
wii Yeehoowa hofnung
in xwëyere tsayte këpt
un wii sayn rëcht fer se rechiire
nii mee in frooch kextëlt wërt.

Introtutsioon fon Obadias