JW subtitle extractor

Omuaraa parau o
te buka Obadia.
E peropheta
Obadia na Iehova.
Ua papai oia i
ta ’na parau tohu
i muri a‘e i to Babulonia haamouraa
ia Ierusalema i 607 hou te Mesia.
Ua ora Obadia i te hoê â tau e
o Ieremia, Daniela e Ezekiela.
O te buka Obadia te buka poto
roa ’‘e o te mau Papai Hebera,
hoê noa pene
to tera buka.
Te hopoi ra Obadia i te hoê poroi
haavaraa i te nunaa Edoma.
I to Babulonia
haamouraa ia Ierusalema,
ua au roa Edoma i te
mataitairaa i to Iseraela oto rahi.
Ua haru to Edoma i te
mau Iseraela horo ê,
ua tuu atu ia ratou i te
rima o te nuu Babulonia,
apiti atura no te haru
i ta ratou mau tao‘a.
Ua ite anei oe?
E auraa fetii to
Edoma e to Iseraela.
O Esau to ratou tupuna,
to Iakoba maehaa.
Ua piihia oia Edoma,
“uteute” te auraa.
Ua hoo atu hoi oia i ta ’na tufaa
matahiapo no te hoê au‘a pipi tunu.
Te tohu ra Obadia e e pau te nunaa
Edoma i te rima o te mau taata
ta ’na i amui
atu na mua ’‘e.
Ua haamata teie parau tohu i te tupu i
te taime Babulonia a haru ai ia Edoma.
Aita faahou o
Edoma i teie mahana.
I roto i te mau
irava hopea,
te fafau ra Iehova e e faaho‘i
mai oia i to ’na nunaa amui
a haamau faahou atu ai i te
haamoriraa mau i Ierusalema.
Teie te parau hopea o te buka:
“E riro hoi te basileia ia Iehova.”
E haapapuhia ïa to Iehova
hau arii e a muri noa ’tu.
A taio ai i te
buka Obadia,
a tapao e nafea Iehova i
faaite ai e ua ite iho â o ’na
i te hamani-ino-raa
faaruruhia e to ’na nunaa,
nafea oia e faaitoito ai i to ’na
nunaa i roto i te taime ati,
e nafea to ’na hau arii e
haapapuhia ’i e a muri noa ’tu.

Omuaraa parau o te buka Obadia