JW subtitle extractor

Kèk bagay nou ka aprann
sou liv Miche a.
Miche te yon pwofèt nan
yon ti vil andeyò
yo rele Morechèt nan Jida.
Li te fè konnen Izrayèl ak jida
t ap gen pou yo detwi.
Tout egzanp Miche te pran yo
montre li te vrèman abitye
ak lavi andeyò.
Li te pwofèt pandan
anviwon 60 an
epòk kote Jotam, Ahaz ak
Ezekyas te wa nan Jida.
Li te fin ekri liv li a yon
ti tan anvan
ane 717 anvan epòk nou an.
Oze ak Ezayi te ekri pwofesi yo a
nan menm epòk la.
Se vre Miche pa t gentan
wè akonplisman pwofesi
li te anonse anrapò ak
destriksyon Jerizalèm nan
paske li te gen anpil tan
depi l mouri,
men, li pwobab pou l te
vivan lè Samari,
kapital Izrayèl, te detwi.
Liv Miche a gen 7 chapit.
Chapit 1 ak chapit 2
pale konsènan rebelyon
Izrayèl ak Jida te fè,
enjistis moun yo t ap fè
ata sou fi ak timoun,
avètisman Jewova bay konsènan
Samari ki t ap vin yon pil mazi,
ak pwomès Bondye fè pou
pèp li a retounen Jerizalèm,
epi, li t ap rasanble yo tankou
mouton ki nan pak.
Chapit 3 rive chapit 5
fè konnen byen klè moun
ki alatèt yo,
pwofèt yo ak prèt yo te
mechan e yo te ava.
Pou rezon sa a, y ap vire Siyon
tètanba tankou yon tè yo vire,
e Jerizalèm ap tounen
yon pil dekonm.
Sepandan, Miche te fè konnen
tou nan dènye jou yo,
vrè adorasyon an t ap nan yon
nivo ki pi wo pase fo relijyon yo,
e moun ki soti nan tout nasyon
t ap vin an foul nan mòn
kote kay Jewova a ye a.
Èske w te konnen?
Jewova te fè Miche anonse
Mesi a t ap fèt Betleyèm, Efrata.
Pwofesi a te akonpli lè Jezi
te fèt nan vil sa a.
W ap jwenn pwofesi sa a
nan Miche 5:2.
Chapit 6 ak chapit 7
montre nan ki move eta yo
te ye nan domèn espirityèl.
Jewova te pale ak pèp li a
tankou se lajistis li te
mennen yo,
e li te di yo pou yo
fè sa ki dwat,
pou yo renmen fidelite,
epi pou yo mache avèk li
avèk imilite.
Men, moun ki t ap fè komès yo
te meprize lwa Bondye yo,
e yo te konn sèvi ak move pèz
e ak fo balans pou yo
twonpe frè yo.
Miche te gen konfyans Jewova
t ap tande rèl l ap fè
pou l mande l jistis
e pou Jewova montre
lanmou fidèl pou pèp li a.
Pandan w ap li liv Miche a,
remake jan se sèlman
sa ki rezonab
e ki bon pou nou Jewova
mande nou fè,
jan Miche te gen konfyans
Jewova t ap jije mechan yo,
epi jan vrè adorasyon an pral
vin retounen nan plas li
epi vin nan yon nivo ki wo
grasa Wayòm Bondye a.

Kèk bagay nou ka aprann nan liv Miche a