JW subtitle extractor

Yi naa bed’eabʉchuta Miqueas ʉ̃rʉ.
Miqueara propeta basi pʉwʉrʉ Moreset, Judade.
Jarasi Israelta akʉza Judata jõma makena naita.
Miquea deba, k’awua panʉ iya ũdu
k’awua basita mea sãwũã bʉta.
Judade Jotanta, Acazta akʉza
Ezequíasta, nok’ora baside,
Poaga sesenta bayeda, propeta basi Miqueara.
Iyi librora ma bʉsi Judade 717 poaga bai nabeda.
Maʉ̃ne Oseaba Isaías bida bʉsida ãyi propesiara.
Miqueaba Jerusalén nebema makiniñi
jara dara aripe bera barisi iyi beida tẽã,
mamina ũdusi Israel makena nata, Samariade.
Miqueas libro bara erbʉ siete kapitulo.
Kapitulo 1 neba 2 baye dara jarabʉ
Israelba akʉza Judaba ũrĩ ẽ bada ʉ̃rʉ;
ãya nemitia obadata, wẽrãra ʉ̃rʉ,
wũãwũã zakera ʉ̃rʉ;
Jeowaba Samaria’a jõma makenai jarada ʉ̃rʉ,
adewara jarabʉ Daizeze pʉwʉrʉra
Jeruzalenma jẽda wãita, ãba yi jʉre
baramaita, obeja ãyi dedabʉ kĩrãk’a.
Kapitulo 3-5 bayeda jarabʉ,
Miqueas bara k’easita,
propetarata, saserdoterata ãyi nemitia obʉ k’area.
Ãyi k’area, Sionra ẽjũã tẽ bari kĩrãk’a tẽnañi,
Jerusalén pʉwʉrʉra jõma makenaita.
Akʉza Miqueas bara jarasi,
dayirã ewari jõbodo arera,
yi Daizeze wãrĩnu ĩjã bʉra ʉ̃ta
baita religion zeri ẽãira,
akʉza ẽbẽrã jõma naʉ̃ drʉa
debemata Jeowama wãnaita.
¿K’awua basika? Daizeze jaure k’areba deba
Miqueas bara jarasi Jesura todaita Belén Efratade.
Maʉ̃ra aripe bera barisi Jesu maʉ̃
pʉwʉrʉde tosidade. Akʉseabʉ Miqueas 5: 2de.
Kapitulo 6-7 bayeda, jarabʉ, ãyira
Daizezeme biaba ẽ basita.
Jeowaba jarasi iyi pʉwʉrʉ’a
ne k’ãrẽ aripe oda marẽã,
kãga bʉta ũdu bida marẽã,
akʉza kẽrẽpa pana marẽã.
Ne nedomia bara Daizeze leyra ũrĩna ẽ basi,
maʉ̃ k’area sewa panasi wuabemarata.
Miqueas bara ĩjã basi Jeowa
baraũrĩta iya jõma jara bʉra
akʉza kẽrẽpa kãga ũdu bita iyi pʉwʉrʉ’a.
Miqueas libro akʉ bʉrʉde, k’awuara Jeowaba
ne k’ãrẽ jõma widi bʉra yibiata;
akʉza Miqueasba k’ãrẽaba ĩjã basita
Jeowaba ẽbẽra k’ayiruara makenaita,
adewara Daizeze pʉwʉrʉra k’abana
baita iyi k’areba deba.