JW subtitle extractor

Yi naa bed’eabʉchuta Nahúm ʉ̃rʉ
Propeta Nahumra Judade chuasi
bai bara libro iyi trʉ̃ erbʉ ma buside.
Nahúm propesiara, bed’eabʉ asiria pʉwʉrʉ
Ninibede bema jõma makini ʉ̃rʉ.
Ninibera ũdu k’awua panasi nemitia omiara
neba mauba trʉ̃ga sida, pʉwʉrʉ wa zarrata.
Propeta Jonaba Nínive eda
bed’ea pʉa jara jũẽ side,
ãya ne kayirua oba dara jõma idu bʉsida.
Tẽã jũẽneane akʉza Ninibitararã ne kayirua osida.
Jonás propesia bera barida tẽã,
poaga bio bera barisi.
Maʉ̃ne Jeowaba zok’a bʉesi
Nahumta bed’ea jũẽ marẽã.
Nahúm bara ma bʉsi iyi librora
Nínive makini nabeda poaga 632de.
Nahumra basi Sofonías akʉza Jeremías ewaride.
Nahúm libro bara 3 kapitulo erbʉ.
Kapitulo 1 nera, Nahumba jarabʉ
Jeowaba k’ãrẽ oita Nínive ʉ̃rʉ.
Jõma maʉ̃ pʉwʉrʉde bʉra, bakuru oma daizezera,
mõgara oma, maʉ̃rarã makiniñi.
Maʉ̃ra bed’ea bia judaita.
Maʉ̃ kayirua juwadeba ẽdrʉ bʉrʉde,
jõmaʉ̃ta sobia seabʉ.
¿K’awua basika?
Ninibera Nemronba parãsita,
maʉ̃ra nok’o zroma basi kue zroma baeda tẽã.
Kapitulo 2, 3 dera jarabʉ,
Nínive sãwũã makinina ʉ̃rʉ.
Maʉ̃ pʉwʉrʉ dera murota arare basi,
akʉza posoba pʉrra õbasi.
Akʉza Nahúm bara jara ũrĩ bisi do ewa
bʉrʉ dera maʉ̃ba de zromara jõma ãrĩta.
Naʉ̃ bed’eara aripe bera barisi poaga
632de, pʉwʉrʉ jõma doba bira side.
Gorogoro Babiloniata Mediadeta, eda wã sida
Ninibede jõma makenaita maʉ̃ pʉwʉrʉde bemata.
Jeowaba Nahúm neba jõma
jara dara aripe bera bari bisi.
Bʉa Nahúm libro akʉ bʉrʉde, bi’ia
krĩchara Jeowaba kãga ẽãta yõra,
akʉza iya jarabʉra aripe obʉ,
adewara zarea diabʉ yi zʉbʉria bera
sobia pana marẽa akʉza iyi
Nok’o zebʉrʉde nebia weita.

Yi naa bed'eabʉchuta Nahúm ʉ̃rʉ