JW subtitle extractor

Een introtutsioon
fom puuch Naum.
Te profeet Naum hot
woerxaynlich in Yuuta kewoont
wii er tas puuch, woo sayn
naame nëmt, kexrip hot.
Tas haupste theema
fon Naum sayn pexeet
is ti kans fernichtung
fon te xtat Niniwe, in Asiria.
Niniwe is kenënt këp
“ti xtat woo pluut aus xit”,
weeche sayn wiolënts
un kropheet.
Wii te profeet Jonas een pexeet
fon kericht keeche ti niniwite kesaat hot,
hon ti niniwite sich
fon iire xlëchtichkheet peroyt.
Awer xpeeter, sin ti niniwite noch mool
uf te xlëcht weech retuer kang,
un unkefeer 200 yoere
noo Jonas sayn profetsii,
hot Yeehoowa Naum penutst
fer keeche Niniwe se profetsiire.
Tas puuch fon Naum is fërtich këp
unkefeer 632 foer Kristus,
im yoer woo Niniwe
fernicht këp is.
Naum hot in te sëlwich
tsayt keleept
wii ti profeete
Sofonias un Yeeremias.
Tas puuch fon Naum
hot tray kapitele.
Im kapitel 1 xprëcht Naum fon
Yeehoowa sayn kericht keeche Niniwe.
Ti kans xtat mit sayne
fiile falxe kote,
woo mit hols,
xteen un metaal
kemacht sin,
wërt kans fernicht.
Tas is een kuut notiisie
fer ti yuute.
Wayl se fon sayn krop
un kefeerlich faynt fray sin,
khan tas folk in friite
sayn feste fayre.
Wust tuu tas?
Ti kexicht fon Niniwe fangt
in Ninrote sayn taache aan.
Ëyer hot ti ëyerst imperium
kepaut noo te Sintfluut.
Ti kapitele 2 un 3 tuun Niniwe
sayn fernichtung kenau pexraype.
Ti xtat Niniwe
waar kexitst torich
een xtarëk mauer
un een kraape.
Awer Naum profetisiirt,
tas “ti toere fom flus uf kemacht
wëre un te palast wërt fernicht.”
Tas hot sich erfiilt
im yoer 632 foer Kristus,
wii een iwerxwëmung
ti xtat fernicht hot.
Soo khont tas militeer
fon Papiloon un Metia ti xtat
iwer fale un fernichte.
Yeehoowa sayn profetsii
torich Naum
hot sich kans kenau erfiilt.
Wiis tuu tas puuch
fon Naum leest,
kuk wii Yeehoowa
wiolënts hast,
wii Yeehoowa sayn
wort imer erfiilt,
un wii Yeehoowa treest
al tii woo friite un rëtung
unich sayn Raych suuche.

Introtutsioon fon Naum