JW subtitle extractor

Omuaraa parau o
te buka Nahuma.
Ua ora paha o Nahuma i Iuda
a papai ai oia i te buka
o te amo nei i to ’na i‘oa.
Te mana‘o tumu o
te poroi a Nahuma,
o te haamou-roa-raa ïa
o te oire Asura o Nineve.
No ta ’na peu haavîraa u‘ana i
piihia ’i Nineve “te oire i viivii i te toto.”
I te hoê taime,
ua faaroo to Nineve i te poroi
haavaraa ta te peropheta Iona i faaite
e ua tatarahapa ratou.
Teie râ, ua rave faahou
to Nineve i te ohipa ino.
Piti senekele i muri
a‘e i to Iona tohuraa,
ua faaohipa Iehova ia Nahuma
no te tohu faahou i nia ia Nineve.
Ua oti te buka Nahuma hou
a haamouhia ’i o Nineve
i te matahiti 632 hou te Mesia.
Ua ora o Nahuma i te hoê â tau e te
mau peropheta Zephania e Ieremia.
E toru pene to te
buka Nahuma.
I te pene 1,
te faaite ra o Nahuma i ta Iehova
haavaraa i nia i te oire o Nineve.
E haamou-roa-hia te oire
e ta ’na mau tii atoa hamanihia
e te raau, te ofai e te auri.
E parau apî oaoa mau
â teie no te ati Iuda.
Aita faahou tera
enemi ino mau.
E faatupu ïa ratou i te
mau oroa ma te taiâ ore.
Ua ite anei oe?
No ǒ mai te oire o Nineve
i te tau o Nimeroda,
te taata tei haamau i te
hau emepera matamua,
i muri noa mai i te diluvi.
I te pene 2 e 3,
te faataa-maitai-hia ra
te haamouraa o Nineve.
Ua paruruhia te oire o Nineve maoti
te mau patu teitei e te hoê apoo.
Ia au i te mau parau
tohu a Nahuma,
“ua iritihia te uputa o te
pape, e ua tarapape te aorai.”
Ua tupu teie mau parau i te
matahiti 632 hou te Mesia,
a ô ai te pape
pue i roto i te oire.
Ua haaati to Babulonia
e to Medai ia Nineve,
ta ratou i haru e i haamou.
Ua tupu te mau tuhaa rii atoa
o te parau tohu a Iehova
ta Nahuma i faaite.
A taio ai i te buka Nahuma,
a tapao na e mea riri
roa na Iehova te ino,
e faatupu iho â
oia i ta ’na parau
e e tamahanahana oia i te
feia e imi nei i te hau e te ora
i raro a‘e i ta ’na
Faatereraa arii.

Omuaraa parau o te buka Nahuma