JW subtitle extractor

Kèk bagay nou ka aprann
sou liv Abakouk la.
Abakouk te sèvi antanke
pwofèt nan Jida.
Nan fen liv Abakouk la,
nou li:
“Pou moun k ap dirije
mizisyen yo,
pou yo jwe sou enstriman
akòd mwen yo.”
Gen kèk moun ki di
li pwobab pou Abakouk te
yon mizisyen nan tanp lan.
Li te ekri liv ki pote non l lan
nan ane 628 anvan
epòk nou an,
anviwon 20 an anvan yo te
detwi Jerizalèm.
Li te viv nan menm epòk
ak Jeremi
ki t ap sèvi kòm pwofèt
nan Jida tou.
Liv Abakouk la gen 3 chapit.
Nan chapit 1 an ak chapit 2,
nou jwenn yon konvèsasyon
ant Abakouk ak Jewova.
Li te fè Jewova konnen
jan sa fè l mal
pou l wè jan gen vyolans,
jan y ap toupizi moun ak jan
enjistis gaye nan Jida.
Jewova te fè konnen nan
yon ti tan ankò
li t ap sèvi ak moun Kalde yo
pou l pini moun ki t ap
viv Jida yo.
Jewova te bay Abakouk garanti
jijman li t ap egzekite sou moun
Jida yo pa t ap anreta.
E li te di tou li t ap pini
moun Kalde yo annapre
paske yo te mechan anpil.
Èske w te konnen?
Nan epòk Abakouk la,
tanp Jewova a te Jerizalèm,
e se la wa ki soti nan
liy fanmi David yo
te fè plis pase 400 an
ap dirije.
Kidonk, Juif ki te vivan
alepòk yo
pa t ap janm panse Bondye
t ap pèmèt moun Kalde yo
detwi vil sa a ki te sakre.
Chapit 3 a se yon priyè
Abakouk te fè
sou fòm chante moun konn
chante lè gen lanmò.
Abakouk te sonje jan Jewova te
montre pisans li nan tan lontan.
Se vre, sa pwofèt la t ap
viv yo te fè l mal anpil,
men, li te met konfyans li
nan Jewova.
Abakouk te di:
“Mwen menm, m ap toujou
kontan poutèt Jewova,
m ap toujou kontan poutèt
Bondye delivrans mwen an.”
Pandan w ap li liv Abakouk la,
remake jan Jewova gen sousi
pou sèvitè l yo lè y ap soufri,
jan konfyans nou genyen
Jewova ka delivre n
ede n andire ak kè kontan,
epi, jan jijman Jewova
pral fè
pa mwayen Wayòm nan
pap anreta.

Kèk bagay nou ka aprann nan liv Abakouk la