JW subtitle extractor

Yi naa bed’eabʉchuta Habacuc ʉ̃rʉ
Abakura propeta basi Judade.
Iyi libroba jarabʉ:
«Yi nãã ede bari trã bita
trãbʉta ne k’ãrẽa za barita»,
ʉ̃kʉrʉba krĩcha panasi naʉ̃
propetara templode trã basita.
Ma bʉsi libro iyi trʉ̃ erbʉta poaga 628de,
dayirã ewari nãã, 20 poaga
Jerusalén makinina ena.
Basi Jeremías ewaride,
iyira propeta basi Judade.
Habacuc libro bara 3 kapitulo erbʉ.
Kapitulo 1-2 bayeda, ũdu dayi
abakʉta bed’ea bʉta Jeowame.
Habacuc bara jarabʉ krĩcha
zroma obʉta yõ biobʉ k’area,
akʉza aripe opanʉ ẽãta Judade.
Jeowa bara jarasi aranʉ bai makena
bita kaldeora pʉwʉrʉ Judara.
Jeowa bara jarasi aranʉ bai
zebita Judá makenai jaradara,
maʉ̃ are ãyi kaldeora sida
nemitia obʉ k’area makenaita.
¿K’awua basika?
Abakʉ ewaridera Jeowa templora Jerusalenne basi,
poaga 400 baye dara, nok’o mama
bemara Dabideba zedata basi.
Judiora bara krĩcha ẽ basi Daizezeba iduari bita
kaldeora makena marẽãra iyi pʉwʉrʉrarã.
Kapitulo 3 dera jarabʉ
Habacuc yiwid’i data trãbide.
Habacuc bara kĩrã besi Jeowaba
sãwũã iyi zarea nãã ũdu bidata.
Iyi bed’ea zroma k’area krĩcha
obasi mina, ũdu bisi Jeowa ĩjã bʉta.
Abakʉba jarasi:
«Jeowa k’area mejãcha sobia bʉa;
[...] Daizezeme sobia bayi mʉ̃ k’areba bʉ baera».
Habacuc libro akʉ bʉrʉdera, bi’ia akʉra Jeowara
krĩcha obʉta iyi ode panʉra zʉbʉria bʉrʉdera,
akʉza Jeowa ĩjã bʉra k’arebaita zarea sobia baita,
akʉza aranʉ Jeowaba nebiata weyi iyi nok’o deba.