JW subtitle extractor

Een introtutsioon
fom puuch Habacuque.
Apakuk waar een profeet in Yuuta.
Ti wërter am ën fon tas puuch,
“fer te rexënt; fer mit mayn
kotel instrumënte xpiile”,
tsayche tas Apakuk fiilaycht
een musikant im tëmpel waar.
Er hot tas puuch kexrip
woo sayn naame nëmt,
unkefeer 628 foer Kristus,
20 yoere foer ti fernichtung
fon Yeruusalëm.
Er hot in te sëlwich tsayt
keleept wii Yeeremias,
woo aach in Yuuta ketiint hot.
Tas puuch Habacuque
hot tray kapitele.
Kapitele 1 un 2
tsayche een kexpreech
tswixich Apakuk un Yeehoowa.
Te profeet saat wii
er tiif petrof waar
weeche fiil wiolënts, unertrikung,
un unkerëchtichkheet in Yuuta.
Yeehoowa saat tas ti kalteer
palt penutst wëre
fer ti natsioon Yuuta se xtroofe.
Yeehoowa karantiirt fer Apakuk
tas sayn kericht keeche
Yuuta sich nët ferxpeet
un ti kalteer wëre aach kextrooft,
wayl tii aarich xroo waare
un hon ti layt kekweelt.
Wust tuu tas?
In Apakuk sayn taache, waar
Yeehoowa sayn tëmpel in Yeruusalëm,
un Tawi sayn nookhomer hon,
oone phause,
iwer fier hunert yoere rechiirt.
Tës weeche,
hon ti yuute nët ketënkt,
tas Kot ti kalteer erlaupe teet
ti haylich xtat se fernichte.
Tas kapitel 3
is een kepeet fon Apakuk woo er
torich trauriche liite kexprooch hot.
Apakuk erinert sich wii Yeehoowa
sayn macht friier ketsaycht hot.
Opwool er aarich traurich waar
weeche fiil xlim tings um tëm rom,
hot te profeet aan
Yeehoowa ketraut.
Apakuk saat:
“Ich tuun mich aan
Yeehoowa fraye;
ich fraye mich aan
te Kot fon mayn rëtung.”
Wiis tuu tas puuch
fon Habacuque leest,
kuk wii Yeehoowa
sich khimere tuut,
wën sayne tiiner layte,
wii unser traue aan
Yeehoowa sayn rëtung
uns hëleft froo aus se hale,
un aach wii Yeehoowa
sayne kerichte
torich sayn Raych sich
nët ferxpeete tuut.

Introtutsioon fon Habacuque