JW subtitle extractor

Yi naa bed’eabʉchuta Ageo ʉ̃rʉ.
Ageora tosida baibara
Babiloniane 537 dayirã ewarina
ode wãsi judiora bawara
Jerusalenna mama propetabaita.
Ageobara iyi librora ma bʉsi 520de.
Mamina,
¿k’ãrẽa Jeowabara osi Ageora propeta bamarẽã?
Poaga 536de, judiorabara de kau
yiwidita bʉesida Jerusalén templode.
Sobiaẽ, panasi, ãya onʉmʉ̃ta
poaga bio piki nʉmasi baera
judioraba ũrĩama panasibaera akʉza ãyi nejʉraba.
Poaga 520de Jeowaba zok’asi Ageota
judiora’a zarea diamarẽã templo ma parãita.
Templora ma parãsida poaga 515de.
¿K’awua basika? Ageo libro
bara 38 bersiculo abʉta,
propeta bara jarabʉ Jeowa trʉ̃ta 35 bayeda,
maʉ̃ nebema 14de jarabʉ
«Jeowara korogorora nok’o».
Ageo libro bara kapitulo ũme erbʉ,
bed’ea kimare abʉ Daizezeba jaradata.
Kapitulo 1none ũdupanʉ nãã bed’ea jaradata
jarabʉ ãyikʉza krĩchabʉba
iduaribibʉ Jeowa de arimarẽã.
Zorobabelba, Josueba akʉza
wuabema pʉwʉrʉba bia akʉsida,
meserabai osida Ageo propeta bada ewari 23de.
Kapitulo 2de ũdupanʉ yi bed’ea
ũme Daizezeba jaradata.
Jeowa bara jarabʉ puwʉrʉra ureita,
adewara oyi ne k’arebiata maʉ̃ne eda
akʉza iyide nekirawareaba biramarẽã
Ageo bara bed’ea ũbea jara ũribisi saserdotera.
Jarasi Jeowaba jarabʉta ũrĩna ebasibaera,
jõma pʉwʉrʉra Daizeze dabʉ nãã kayiruade bʉ.
Maʉ̃ jirũare Ageobara bed’ea kimare jara ũrĩbisi.
Jeowa bara jarabʉ drʉata akʉza bajãta ureita,
naʉ̃ba jara kirabʉ Nok’o ẽbẽrarã jõma makenaita.
Maʉ̃ tea, apostol Pabloba jara
ũrĩbisi Ageoba jaradata,
ũdubi baera Jesukristoba Zok’a
bʉrʉdera mia k’aiba ure eata.
Ageo libro akʉ bʉrʉde, bi’ia akʉra
nek’ãrẽ bʉeiba Jeowade tẽã bʉe ẽ baita,
Jeowaba kãga ẽ dayirãba iyita
obʉra oamane oda ẽ marẽã
akʉza Jesukristoba Zok’a
bʉrʉdera mia k’aiba ure eata.