JW subtitle extractor

Omuaraa parau o te buka Hagai.
Ua ora paha o Hagai i Babulonia.
I 537,
ua tere oia i Ierusalema
e te hoê toea ati Iuda,
i reira oia i tavini ai
i muri iho ei peropheta.
Ua oti te buka Hagai i 520.
No te aha râ Iehova i hinaaro ai
ia tohu Hagai?
I 536,
ua haamau te ati Iuda i te niu
o te hiero apî i Ierusalema.
Ua faaea râ te paturaa
e rave rahi matahiti i te maoro
no te patoiraa a te enemi
e te tâu‘a-ore-raa a te ati Iuda.
I 520,
ua tono Iehova ia Hagai i to Iuda
no te faaitoito ia ratou
ia patu faahou i te hiero.
Oti atura te paturaa o te hiero i 515.
Ua ite anei oe?
I na 38 irava o te pene 1 e 2,
ua faaohipa Hagai i te i‘oa
o Iehova e 35 taime,
14 taime ïa i roto i te parau
“Iehova sabaota.”
E piti pene to te buka Hagai
o te faaite ra i na poroi e maha
no ô mai i te Atua.
No nia te pene 1
i te poroi matamua na
te feia e haapao noa
i to ratou mau hinaaro,
eiaha râ i to Iehova fare.
Piti ahuru ma toru noa mahana
i muri a‘e i to Hagai tohuraa,
ua patu faahou te tavana Zerubabela,
te tahu‘a rahi o Iosua
e te toea o te nunaa i te hiero.
I te pene 2,
ua faaite Hagai i te piti o te poroi
no ô mai i te Atua.
Ua fafau Iehova
e faaueue oia i te mau fenua atoa
ia tae mai tei hinaarohia,
e faaî hoi oia i to ’na fare
i te hanahana.
Faaite a‘era Hagai i te toru o te poroi
i te mau tahu‘a
no te faataa ’tu
mea viivii te nunaa i te aro o te Atua
no to ratou tâu‘a-ore-raa
i te haamoriraa mau.
Faatae atura Hagai
i te maha o te poroi.
Ua faaite faahou o Iehova
e faaueue oia i te mau ra‘i e te fenua,
teie nei râ e haamou roa oia
i te mau faatereraa taata.
Tau senekele i muri a‘e,
ua faahiti te aposetolo Paulo
i ta Hagai i parau
no nia i te Faatereraa arii
faaterehia e Iesu Mesia
o te ore roa ’tu e aueue.
A taio ai i te buka Hagai,
a tapao na i te faufaaraa
ia tuu i te ohipa pae varua
hou to tatou mau hinaaro,
eita Iehova e farii i te
haamoriraa faatia ture noa
e e ore roa ’tu te Faatereraa arii
faaterehia e Iesu Mesia
e aueue.