JW subtitle extractor

Yi naa bed’eabʉchuta Zacarías ʉ̃rʉ.
Zacarías bara jaradia jʉ̃drʉsi Jerusalenne 520de,
poaga 17 bera barida tẽã Judiora
Babilonianeba zedata.
Propeta basi kĩrã poaga ũme bayeda,
ma bʉsi iyi libro trʉ̃ abʉta 518de.
Jara diabasi Ageo ewaride.
Templo jẽda ara obadara pikinʉmesi baera,
krĩcha sida Jeowa bara kĩrãduasita Jeruzalenra.
Mama bemara sopua panasi,
krĩcha panasi ne jõma erbʉ ʉ̃rʉ.
Jeowa bara jarasi Zakariaba Ageo ʉ̃meba,
judiora sopua bʉta k’areba marẽã, ara oda
marẽã templota, bed’ea zroma basimina.
¿K’awua basika? Salomon templora
poaga 7 audre ba bʉrʉde jõma osida.
Zakariaba iyi libro ma bʉda tẽã,
20 poaga babodo basi
templo ara obara bʉta,
mawũãsidu ma oda ẽ basi.
Zacarías libro bara 14 kapitulo erbʉ.
Kapitulo 1-6 edara, akʉsida
k’aĩmo k’ãrãde ũdudata,
maʉ̃ba dayirã ij̃ãbibʉ Daizezeba k’arebaita
templo ara oita mama iya zok’abʉ oda marẽã.
Iya ũdusi yuw̃er̃a aba iyi trʉ̃ga
panʉ mitia eda buesita netatade,
mawũã obʉdade yuwẽrã ũme i bara bʉba ede sida.
Naʉ̃ba ũdubibʉ Jeowa bara iduari biẽãta nemitiara.
Kapitulo 7,8 de, Daizezeba jarabʉ judiora
zʉbʉria oda ẽ marẽã ne k’ãrẽ ne ẽãta bʉta,
kãga jõkata ũdubidua so zʉbʉria sida.
Kapitulo 10 dera jarabʉ, pʉwʉrʉ k’ayirua
obʉta amae bʉra Jeowaba jẽda bi’ia akʉita.
Akʉza Zacarías bara bʉsi Jesukristo
ne k’ãrẽ bio bera bari ʉ̃rʉ.
Jarasi Daizeze Nok’o baira Jerusalenma
jʉ̃ẽita burrode, ẽbẽra bioba ũdudaita.
Zacarías bara jarasi wãrĩnu Daizeze obeja
akʉ barira, nedodaita 30 moneda bari.
Adewara jarasi sãwũã beadaita
Daizeze obeja akʉbarira.
Kapitulo 14 dera jarabʉ,
Jeowaba oita koribi zromata.
Maʉ̃ koribi dera iyi pʉwʉrʉra,
k’ãrẽ k’ayirua ne ẽã panañi,
akʉza religion wãrĩnuararã bayi.
Bʉa akʉ bʉrʉde Zacarías librota,
bi’ia akʉra bed’ea zroma bʉmina
Jeowaba jarabʉra aripe obʉta.
Ne k’ãrẽ bio bera barita Daizeze Nok’o baira.
Akʉza koribi dera iyi pʉwʉrʉra,
k’ãrẽ k’ayirua ne ẽã panaita.

Yi naa bed’eabʉchuta Zacarias ʉ̃rʉ