JW subtitle extractor

Omuaraa parau o te buka Zekaria.
Ua tohu Zekaria i Ierusalema,
i 520 hou te Mesia,
17 matahiti i muri a‘e i te ho‘iraa ’tu,
mai te faatîtîraa Babulonia.
Ua tohu oia e piti matahiti
tiahapa i te maoro
e ua oti te buka Zekaria
i 518 hou te Mesia.
Ua tavini oia i te tau
o te peropheta Hagai.
Ua faaea te patu-faahou-raa
o te hiero o Iehova.
No vetahi, e au ra e
ua faarue Iehova i te oire.
Ua paruparu te nunaa e ua tiatonu
i nia i to ratou mau hinaaro.
Ua tono Iehova ia Zekaria
no te apiti ia Hagai
no te faaitoito i te ati Iuda
ia patu faahou i te hiero noa ’tu te fifi.
Ua ite anei oe?
Ua titauhia hitu noa matahiti
no te patu i to Solomona hiero.
A papai ai râ Zekaria i ta ’na buka,
ua haamata te patu-faahou-raa
a 19 matahiti i teie nei
e aita te reira i oti.
E 14 pene to te buka Zekaria.
I te pene 1 tae atu i te 6,
e orama maere mau o te haapapu ra e
te turu ra Iehova i te
patu-faahou-raa o te hiero
e i te haamoriraa viivii ore.
Ei hi‘oraa, te vai ra hoê orama
no nia i te vahine piihia “ino”
tei hurihia i roto i te hoê epha
e ta e piti vahine e pererau
to raua i afai ê atu.
No te faaite ïa e aita Iehova
e farii i te ino.
I te pene 7 e 8,
te faauehia ra te nunaa ia faaea
i te rave ino i te feia veve
e ia faatupu atu i te here e te aroha.
Te tohu ra te pene 10
e farii faahou Iehova i
to ’na nunaa tei tatarahapa.
Ua papai atoa Zekaria e rave rahi
parau tohu faufaa no nia i te Mesia.
Mai te tomoraa o te Arii a muri a‘e
i roto ia Ierusalema i nia i te hoê asini.
Ua tohu Zekaria e hoohia
te Tiai mamoe mau o te Atua
no e 30 moni ario.
Ua horoa atoa Zekaria i te mau
haamaramaramaraa rii
no nia i te pohe o te Mesia.
I te pene 14,
te haamau ra Iehova i te
hoê peho rahi roa.
E paruru tera peho i to ’na nunaa
e ei faahopearaa, e haamau-roa-hia
te haamoriraa mau.
A taio ai i te buka Zekaria,
a tapao na e nafea Iehova e rave ai i
ta ’na i opua noa ’tu te enemi,
eaha te mau faataaraa no nia
i te Arii a muri a‘e
e e nafea ta ’na mau tavini taiva ore
e paruruhia ’i i roto i ta ’na peho.