JW subtitle extractor

Kèk bagay nou ka aprann
sou liv Malachi a.
Pwofèt Malachi te ekri
liv sa a Jerizalèm
apre Juif yo te retounen
sot Babilòn.
Li te montre li se yon pòtpawòl
Jewova ki pa t pè anyen.
Malachi te fin ekri liv li a kèk tan
apre ane 443 anvan epòk nou an
e plizyè ane apre Aje ak Zakari
te fin ekri liv ki te pote non yo a.
Men, se te apeprè nan menm
epòk Neyemi te fin ekri liv li a.
Anviwon 100 an te gentan pase
depi premye Juif ki t al ann egzil yo
te retounen Jerizalèm.
Tanp lan te rekonstwi e miray
Jerizalèm yo te fin fèt nèt.
Men, pèp la te toujou bezwen èd
pou yo retounen
sèvi Jewova kòmsadwa.
Liv Malachi a gen kat chapit.
Nan chapit 1 ak chapit 2,
Jewova denonse prèt yo
pou move bagay yo t ap fè.
Jewova te mande yo
pou yo rann kont
poutèt yo t ap ofri l yon seri
bèt ki san valè kòm sakrifis.
Prèt yo te fè neglijans nan fason
yo t ap anseye pèp la,
yo menm ki t ap divòse
ak madanm yo
pou y al marye ak fi ki te
soti nan lòt nasyon.
Yon bagay Jewova te rayi.
Chapit 3 a montre t ap gen
yon moun ki t apral
prepare chemen an pou Mesi a.
Mesi a, oswa Mesaje alyans lan,
t ap gen pou l vin pirifye tanp lan.
Jezi te fè sa lè l te met yon seri
machann ki ava deyò nan tanp lan.
Èske w te konnen?
Malachi te pale de pwofèt Eli.
Men, Eli te gentan mouri byen lontan
anvan Malachi te ekri pwofesi l la.
Jezi te di se Jan ki te konn
batize moun nan
ki Eli pwofèt Malachi te anonse a.
Nan chapit 4, Malachi te fè referans
ak ekspresyon “solèy jistis la”
yon fason pwofetik.
Sa ki montre wòl Jezi antanke
moun ki pral sove limanite.
Pandan w ap li liv Malachi a,
remake jan Jewova atann pou nou
ba li sa n genyen ki pi bon an,
jan Jewova rayi divòs ki fèt
yon fason ki enjis,
ak jan mesaje alyans lan,
Wa yo te anonse ki t ap
alatèt Wayòm nan,
t ap soutni vrè adorasyon an.

Kèk bagay nou ka aprann nan liv Malachi a