JW subtitle extractor

Een introtutsioon
fom puuch Malaquias.
Te profeet Malakias hot tas puuch
in Yeruusalëm kexrip
noo ti yuute fon Papiloon
tsurik khom sin.
Tee hot mit koraaj Yeehoowa
sayn pexeet kexproch.
Malakias hot sayn
puuch fërtich kexrip
een tsayt tëm noo
443 foer Kristus.
Es waar fiile yoere tëm noo
Ageu un Zacarias
kexrip këp sin,
awer in te sëlwich tsayt
wii Neemias sayn
puuch kexrip hot.
Tas waar xon neekst
hunert yoere
woo ti ëyerste yuute tsurik
tsu Yeruusalëm khom sin.
Te tëmpel waar
noch mool uf kepaut.
Ti mauere fon Yeruusalëm
waare aach fërtich.
Awer tas folk must
noch hilef hon,
fer Yeehoowa se tiine
wiis tëm kefalt.
Tas puuch Malaquias
hot fier kapitele.
Ti kapitele 1 un 2
tsayche tas Yeehoowa
ti korupte aktsioone
fon te priister
nët aan nëmt.
Yeehoowa tuut se aan ruufe wayl
se krank fii keopfert hon.
Ti priister lërne nët tas folk
in wii Yeehoowa es wil.
Tës weeche tuun
ti israelite sich tiworsiire
un mit fraae fon te natsioone
woo Kot nët tiine hayrate,
etwas woo
Yeehoowa hast.
Tas kapitel 3 tsaycht,
tas yemant khome teet
fer te weech fer
te Mesias uf mache.
Te Mesias, orer, te
“pexeet man fom pakt”
teet te tëmpel sauwer mache.
Tas is pasiirt wii Yeesus ti kexëfts
mëner woo imer mee wole,
fom tëmpel raus kexikt hot.
Wust tuu tas?
Malakias xprëcht
fom profeet Elias.
Awer Elias waar xon een lang tsayt toot
wii Malakias sayn profetsii kexrip hot.
Xpeeter, hot Yeesus kesaat
tas Yohanes te Taafer,
te “Elias” waar fon
Malakias sayn profetsii.
Im kapitel 4,
macht Malakias een profeetix referëns
fon te “sun fon te kerëchtichkheet”,
tas tsaycht Yeesus sayn teel
fer ti mënxe se rëte.
Wiis tuu tas puuch
Malaquias leest,
kuk wii Yeehoowa waart tas
mer unsere pëste fer tëm këpe,
wii Yeehoowa
te tiwors hast,
un wii te
“pexeet man fom pakt”,
te ferxprochne Kheenich
fon Kot sayn Raych,
ti woere aanpeetung xtitst.

Introtutsioon fon Malaquias