JW subtitle extractor

Omuaraa parau o te buka Malaki.
Ua papai te peropheta Malaki
i teie buka i Ierusalema,
i to Iuda ho‘iraa mai mai Babulonia.
E auvaha itoito oia no Iehova.
Ua oti te buka Malaki
tau taime i muri a‘e
443 hou te Mesia,
e rave rahi ïa matahiti i muri a‘e
i te buka Hagai e Zekaria
e hoê â taime
i te papairaahia i te buka Nehemia.
Fatata hoê senekele na mua ’tu,
ua ho‘i te ati Iuda
faatîtîhia i Ierusalema.
Ua patu-faahou-hia te hiero
e ua oti te paturaa
o te mau patu o Ierusalema.
Ua titauhia râ ia arataihia
te nunaa i te pae varua.
E maha pene to te buka Malaki.
I te pene 1 e 2,
te faaite papu ra Iehova i te mau peu
viivii a te mau tahu‘a.
Te faahapa ra Iehova ia ratou
no ta ratou pûpûraa
i te mau animara tei ma‘ihia.
Aita te mau tahu‘a i haa
a ite ai i te feia
tei faataa i ta ratou mau vahine
ma te tano ore
e tei faaipoipo i te mau vahine
o te nunaa etene.
Mea riri hoi na Iehova te reira.
I te pene 3,
ua parauhia e tae mai
hoê taata na mua i te Mesia.
E tae mai te Mesia
aore ra “te vea a te faufaa”
no te tamâ i te hiero.
Ua na reira Iesu a tiahi ai oia
i te feia hoohoo nounou
i rapaeau i te hiero.
Ua ite anei oe?
Ua faahiti Malaki i te peropheta Elia.
Ua pohe a‘ena râ o Elia
i te taime Malaki
i papai ai i ta ’na parau tohu.
Ua faaite Iesu e
o Ioane Bapetizo
te “Elia” ta Malaki i tohu.
I te pene 4,
ua faahiti Malaki i te parau tohu
o “te Mahana parau-tia”
o te haapapu ra i ta Iesu e rave
ei faaora o te huitaata.
A taio ai oe i te buka Malaki,
a tapao na e te titau ra Iehova
ia tatou i te mea maitai roa’‘e,
e mea riri na ’Na te faataaraa tano ore
i te hoa faaipoipo
e te turu ra “te vea a te faufaa,”
te Arii o te Faatereraa arii a te Atua,
i te haamoriraa mau.