JW subtitle extractor

Kèk bagay nou ka aprann
sou liv Nonb lan.
Se Moyiz ki te ekri liv Nonb lan.
Li te kòmanse ekri l nan
dezè Sinayi a
e li te fini l nan plèn Mowab yo.
Istwa a kouvri yon peryòd
38 an 9 mwa,
soti nan ane 1512 rive nan ane
1473 anvan epòk nou an,
lè Moyiz te fin ekri liv la.
Yo rele liv sa a Nonb akoz Moyiz
te fè resansman pèp la de fwa.
Premye fwa a, nan mòn Sinayi,
e apre sa, nan plèn Mowab yo.
Liv la mete aksan sou
kapasite Jewova genyen
pou l dirije pèp li a,
sou nesesite pou nou obeyi
moun Bondye chwazi yo,
e enpòtans pou nou gen
yon gwo lafwa.
Liv Nonb lan gen 36 chapit.
Soti nan chapit 1 rive
nan chapit 4,
gason Izrayelit ki te gen
20 an oswa plis yo,
eksepte Levit yo, te enskri
nan lame.
Yo te mete Levit yo apa
pou yo ka ede prèt yo.
Chapit 5 ak chapit 9
pale de fidelite nan maryaj,
karantèn ak sèvis Nazireyen yo.
Nan chapit 10 la,
yo te repati Izrayelit yo diferan
kote nan dezè Sinayi a,
selon tribi yo.
Nan chapit 11 lan, pèp la
plenyen konsènan lamàn nan,
yon manje Jewova te ba yo
pa mwayen yon mirak.
Nan chapit apre a,
Miryam ak Arawon te pale
Moyiz mal.
Pou rezon sa a, lèp te
tonbe sou Miryam
e yo te mete l an karantèn
pandan 7 jou.
Nan chapit 13 ak chapit 14 la,
yo te chwazi 12 chèf Izrayelit,
youn nan chak tribi, pou al
espyone peyi Kanaran.
Dis pami espyon yo te tounen
ak yon rapò dekourajan,
e pèp la te anvi retounen
ann Ejip.
Poutèt gwo mank lafwa sa a,
Izrayelit yo te dwe monte desann
nan dezè a pandan 40 an,
jiskaske jenerasyon sa a
te disparèt.
Èske w te konnen?
Jozye ak Kalèb se te sèl espyon
ki te gen lafwa nan Jewova.
Se sa k fè, se de espyon sa yo
sèlman ki te dwe antre
nan Peyi Bondye te pwomèt la.
E se sa k te rive.
Kalèb te jwenn chan ak teren
zòn Ebwon an kòm eritaj.
Eritaj Jozye a se te rejyon
ki gen mòn nan Efrayim yo,
e se la li te mouri nan laj 110 an.
Chapit 15 rive nan chapit 17
pale de diferan ofrann
pou peche,
ansanm ak rebelyon
ak kondanasyon Kore,
Datan, Abiram,
ansanm ak moun ki t ap
soutni yo.
Nan chapit 21 an,
pèp la plenyen ankò
pou lamàn nan.
Yo rele l “vye manje sa a”.
Soti nan chapit 22 rive
nan chapit 24,
Balak, wa Mowab la,
te peye Balaam,
yon mesye ki pa Izrayelit
ki te ava
pou modi Izrayelit yo.
Men, Jewova te fè Balaam
beni yo pito.
Nan chapit 25 lan,
anpil moun pami pèp Bondye a
te komèt imoralite seksyèl
avèk medam mowabit yo.
Sa te lakòz yo tonbe
nan idolatri,
e Bondye te touye 24 000
Izrayelit pami yo.
Nan chapit ki vin apre a,
Moyiz te fè dezyèm
resansman an.
Nan chapit 27 la,
pitit fi Selofeyad yo
te di Moyiz
yo pa gen frè ki pou
resevwa eritaj fanmi an.
Jewova te fè Moyiz konnen
nan sitiyasyon konsa yo,
yon pitit fi te ka resevwa
privilèj la.
Apre sa, Bondye fè Moyiz monte
yon mòn nan rejyon Abarim
pou l wè Peyi Bondye
te pwomèt la.
Kòm Moyiz pa t lwen
pou l mouri,
Jewova te di l pou l
chwazi Jozye
pou mennen pèp
Izrayèl la Kanaran.
Chapit 31 rive chapit 36
pale de repatisyon peyi Kanaran
ak lòt bagay Izrayelit yo
t ap bezwen
nan preparasyon y ap fè pou
travèse rivyè Jouden an.
Pandan w ap li liv Nonb lan,
gade ki jan Jewova te gide
pèp li a avèk pasyans,
gade ki jan nou bezwen
obeyi moun Bondye chwazi
pou pran latèt pami nou yo,
e reflechi sou nesesite pou n
gen yon gwo lafwa
pandan n ap vin pi pre pi bon
peyi Bondye te ka pwomèt la:
Monn nouvo a anba dominasyon
Wayòm Bondye a.

Kèk bagay nou ka aprann sou liv Nonb lan