JW subtitle extractor

Yi naa bed'eabʉchuta Marcos ʉ̃rʉ
Marcora Jesu k’aidubasibaibara iyi warraraẽnara,
yi papa ʉ̃mẽ baside Jerusalenne.
Nããra bema kristianorara ãba
yi jʉrebasibaibara ãyi deda.
Marcota Jesume ãba pana ẽ basimina,
ãba basi Pedrota Pablota akʉza yi primo Bernabeta.
Iyara wasi Pabloʉme akʉza
Bernabeʉme awuru drʉa eda
Daizeze Bed'ea jaradiaita
Babiloniainʉ akʉza Romainʉ.
Romainʉ jũesida kĩrãbʉ, poaga 60 akʉza
65de Marcoba bʉdamae Jesu bebʉ ʉ̃rʉ.
Naʉ̃ nebʉrara yi Evangelio ũbeabasi,
nebʉrasida narabema kõngregasion ʉ̃rʉ.
Marcoba jarabʉra ũdubʉ ababema
Evangeliode mamara bʉ iya jarabʉtrʉ.
Iya maʉ̃ bʉsidera krĩchasi ẽbẽrãra
judiora ẽ ta akʉza romano ʉ̃rʉ,
bari jaraita Marcoba jara ũrĩbisi Judiora sãwũã
bʉ ʉ̃rʉ akʉza awuarabʉta yi judío ẽĩtara.
Pedroba jarasibaibara Evangeliode
jõma jarabʉra, iya ũdusibaera.
Marcoba Pedro ʉ̃rʉ akʉza Jesu ʉ̃rʉ jarabʉra
aripe jarabʉ pedroba nebʉrasibaera.
Naʉ̃ librobara erbʉ 16 capitulo akʉza
mejacha bʉe wuabemara libroira.
Jõma nama jara ũrĩbibʉ poaga 29 deba 33bayeda.
Kapitulo 1 10bayeda jarabʉ Juan Bautistaba
jaradata akʉza Jesu buru koedata jordan domae
Maʉ̃are Marcoba nebʉrasi, Jesuba
poaga ũbea bayeda jaradiadata.
Naʉ̃ capitulodera jara ũrĩbibʉ
Jesuba apostolera jidadata,
akʉza jarabʉ iya nebia obadata,
adewara ẽbẽrã ʉ̃rʉ krĩchabadata.
Capitulo 11deba 15 bayeda jarabʉ
Jesuba nek’ãrẽ obadata akʉza iyi beiyeda.
¿K’awubʉka Marcobasita kʉ̃ra edrogoa
wuẽba wanara diamasi Jesu jidasidae?
Kapitulo 16ba jarabʉ wuerara ũbea k’ẽrẽpa
panʉraba k’awuasidata Jesu piradrʉdata
Naʉ̃ Evangelio leebʉrʉde k’awuara Jesuba sãwũã
zok’adata iyi zareara ẽbẽrã kayabeta bebita,
beidata akʉza nek’ãrẽ berabaridata,
adewara iya ẽbẽrãra sãwũã kãga ũdubibʉta,
iya Jeowa bed’ea aripe odaba
ũdubisi sãwũã zok’aita Daizeze Nok’ora.