JW subtitle extractor

Yi naa bed’eabʉchuta Lucas ʉ̃rʉ
Lucara medikobasi.
Abarika ebangelio Marco kĩrãk’a,
Jesuba 12 apostolera erbʉdebema ẽ basi.
Adewara Lucabara jarasi iyara
k’awua bʉẽãta Jesu bebʉ ʉ̃rʉra.
Awuarabʉrʉ kristiano basita Jesu beida tẽã.
Maʉ̃ tẽã wasi apostol pablo kaidʉ.
Ebangelio Lucaba jarabʉ poaga 3de akʉza
poaga 33de, Arare ararea aripe nebʉrabʉ.
60% bad’ea jara ẽ naʉ̃ ebangeliobara. Bari jaraita
Jesuba mioʉ̃ba oka odara kira 6 bʉra eda jarabʉ ẽ.
Lucabara 300 bed’ea aʉdre
zok’abasi medikoraba jarabʉta
mamina maʉ̃ nebemara aba jarasi yumakera aba
«chãda baribasita» akʉza Pedro
pakõrẽra «mejãcha kʉwabasita».
Maʉ̃ra Lucabara bʉsikĩrã Cesariade Pablo
karsel edabʉeda, poaga 56deba 58 bayeda
Daizeze bed’eade Ebangelio Luca, Marco
tẽã bʉmina maʉ̃ librora yi ũmeta bʉsida.
Lucaba Ebagelio Mateo erbʉ awuara,
Daizeze jaure zarea k’arebaba,
jʉrʉsi ẽbẽrarã Jesu ewaride badaʉ̃me
bed’eaita mawũã aripe oita.
Lucabara 24 kapitulo erbʉ.
Kapitulo 1-2 bayeda jarabʉ Juan
akʉza Jesu ãyi wiña yiruedabemata.
Angelba jarada kĩrãk’a, Elisabetba tosi Juanra
maʉ̃ãre jedeko 6 berabarida
tẽã Mariaba tosi Jesura.
¿K’awuabasika? Ebangelio Lucabʉrʉ jara
ũrĩbibʉ k’areta osita Jesu 12 poaga baside.
Bed’easibaibara Maria Jesu papa ʉ̃me.
Kapitulo 3de dayirãba audre k’awuayi
sõbede Juanba akʉza Jesuʉ̃meba
Daizeze bed’ea jaradia jʉ̃drʉdata.
Akʉza kawuapanʉ Jesura, akʉza Mariata
nok’o Dabideba zebʉrʉta Adan inu bayeda.
Kapitulo 4-9 bayeda jarabʉ,
Jesuba Daizeze bed’ea jaradiabadata akʉza
mia bebikʉabadata pʉwʉrʉ Galileade.
Lucabara bari jara ẽ basi
Jesuba k’ãrẽ kaya bebidata
akʉza jarasi iya sãwũã sopʉa
k’ãrãpe bebidata kayabera.
Kapitulo 6dera jara ũrĩbibʉ, Jesura diamasiza
yiwid’ibasita iyi k’aidubemara 12bʉ jidaita.
Kapitulo 9dera jarabʉ, Jesubara 12 panʉra
zok’asita Daizeze Nok’o ʉ̃rʉ jaradia wãmarẽã.
Kapitulo 10deba ʉ̃ta 19 ẽzadra bayeda
jarabʉ Judeade akʉza Pereade berabaridata.
Jesubara zok’abʉesi iyi k’aidubemara
70ta bʉra Daizeze Nok’o ʉ̃rʉ jaradiadamarẽã.
Nebʉra samaritano ʉ̃rʉbʉra akʉza warra wãna
ʉ̃rʉ bed’eabʉra Ebangelio Lucadebʉrʉ jarabʉ.
Kapitulo 19 ẽzadraʉba ʉ̃ta 23 bayeda jarabʉ Jesuba
Jerusalene Daizeze bed’ea jaradiabadata
maʉ̃ aʉdu obadata adewara
iyi beiside neberabaridata.
Kapitulo 21ne jara ũrĩbibʉ Jesu propesia ʉ̃rʉ
Jerusalen jõna ʉ̃rʉ akʉza naʉ̃ ewari jõbodo ʉ̃rʉ.
Lucabara jarabʉ kaya kayirua ʉ̃rʉ
Mateo akʉza Marcoba jarabʉ ẽãta.
Naʉ̃ kapitulo jõbodoare jarabʉ
Jesu jẽda piradrʉda ʉ̃rʉ,
akʉza Lucabʉrʉ jarabʉ Jesu sãwũã ʉ̃ta wãnara.
Naʉ̃ libro akʉbʉrʉde, bi’ia akʉra Jesuba
sãwũã audre jaradiasita Daizeze Nok’o ʉ̃rʉ
akʉza k’arebasita wuabemara nejaradiaita,
maʉ̃ba k’awuadaibasi
naʉ̃ ewari jõbodora
adewara Jesuba mia bebikʉadaba
ũdubisi Daizeze Nok’oba nebia weita.

Yi naa bed'eabʉchuta Lucas ʉ̃rʉ