JW subtitle extractor

Omuaraa parau o te buka Luka.
E taote o Luka.
Mai te papai evanelia Mareko,
e ere Luka i te hoê
o na aposetolo 12 a Iesu.
Aita atoa Luka i parau
e ua ite mata o ’na
i te mau tupuraa o to Iesu oraraa.
Riro mai paha oia ei pǐpǐ
i muri iho noa i to Iesu poheraa.
Ua na muri atoa oia
i te aposetolo Paulo.
Puohu te evanelia a Luka
te matahiti 3 hou te Mesia
tae atu te matahiti 33 to tatou tau.
Ua papai oia ia au i te tereraa o te tau.
Mea otahi fatata 60 i nia i te hanere
o te mau faatiaraa roto teie buka.
Ei hi‘oraa,
roto noa ta Luka buka e itehia ’i
te faatiaraa o e ono semeio a Iesu.
Ua faaohipa Luka 300 tiahapa
ta‘o taaihia i te rapaauraa.
Luka noa tei faahiti i “te hoê taata
ua î roa to ’na tino i te lepera”
e te “fiva rahi”
o te metua vahine hoovai o Petero.
Papai paha Luka ta ’na evanelia
i Kaisarea a tapeahia ’i Paulo i reira,
mai 56 tae atu i 58 to tatou tau.
Noa ’tu roto te Bibilia tei
muri oia i te buka a Mareko,
o Luka te piti o te evanelia tei papaihia.
Hau atu i te fana‘oraa
i te evanelia a Mataio
na te varua mo‘a iho â
o te Atua i turai ia Luka
ia uiui i te feia i ite
mata mau i ta Iesu taviniraa
e ia hi‘opoa i te mau parau o te
tuatapaparaa te nehenehe e tiaturihia.
E 24 pene to te buka a Luka.
Faahiti te pene 1 e te 2
i te mau matahiti matamua
o Ioane Bapetizo e o Iesu.
Mai tei tohuhia e te melahi,
e fanau Elisabeta ia Ioane.
E ono ava‘e i muri iho
fanau mai ra Maria ia Iesu.
Ua ite anei oe?
O Luka ana‘e te papai evanelia
tei faatia no nia ia Iesu
i te 12raa o to ’na matahiti.
Ua fana‘o paha Luka i te reira
na roto i to Iesu metua vahine, Maria.
Faataa ra te pene 3 i te
mau mea o te tauturu mai ia ite
afea to Ioane Bapetizo e Iesu
haamataraa i ta raua taviniraa.
Oia atoa to Iesu pǎpǎraa tupuna,
tei faataa mai i te opu fetii
o Maria na roto mai i te arii Davida
e tae roa mai ia
“Adamu, tamaiti na te Atua.”
Faatia ra te pene 4 tae atu i te 9
i te pororaa e te ohipa faaoraraa ma‘i
i te omuaraa o ta Iesu taviniraa,
i Galilea iho â râ.
Faataa ra Luka eiaha noa
i te mau haamaramaramaraa
no nia i te mau ma‘i ta Iesu i faaora,
i te aumihi atoa râ ta ’na
i faaite a faaora ’i oia i te taata.
Faataa ra te pene 6 i to Iesu
maitiraa i na aposetolo 12,
i muri a‘e i to ’na
pureraa i te hoê po taatoa.
I te pene 9, tono Iesu na 12
e poro i te poroi o te Faatereraa arii
e e faaora i te feia ma‘i.
Mai te pene 10 tae atu
i te afaraa o te pene 19,
fatata te mau mea atoa ta ’na i faahiti,
ua tupu ïa i Iudea e Perea.
Ua faarahi Iesu i te feia poro
i te Faatereraa arii ma te tono
70 atu â pǐpǐ no te poro.
Ta Iesu faahoho‘araa
o te taata tupu no Samaria
e te tamaiti haamâu‘a faufaa,
ite-noa-hia ïa i roto i ta Luka evanelia.
Faatia ra te piti o te tuhaa
o te pene 19 tae roa ’tu i te pene 23
i te tuhaa hopea o ta Iesu
pororaa i Ierusalema e ati a‘e,
e te mau mea i tupu a pohe ai oia.
I te pene 21 itehia ’i
te parau tohu a Iesu
no nia te haamouraa o Ierusalema
e te mau mahana hopea o teie nei ao.
Faahiti atoa ra Luka i te mau ma‘i pee
ei tuhaa o te mau mahana hopea,
ta Mataio e Mareko i ore i papai.
Te pene hopea no nia ïa
i to Iesu tia-faahou-raa.
O Luka ana‘e te papai evanelia
tei faataa i to Iesu revaraa ’tu
i nia i te ra‘i.
A taio ai oe i te evanelia a Luka,
a tapao: mea nafea Iesu
i te pororaa i te Faatereraa arii
e faaineineraa i te tahi atu,
i te faataaraa i te mau tupuraa
o te mau mahana hopea,
e e nafea ta ’na faaoraraa
i te taata i te mauiui
e faaite ai i ta ’na e rave ei Arii
o te Faatereraa arii a te Atua.