JW subtitle extractor

‎Yi naa bed’eabʉchuta Juan ʉ̃rʉ.
‎Juan wabida warrarabasi eda,
‎yi mebẽã Santiagoʉ̃me atarraya ãrĩnata
‎ara ka panasi Galiliea pusa kida,
‎maʉ̃ne Jesuba jarasi iyi k’aidu wãmarẽã.
‎Pascua tẽã poaga 31ne,
‎Jesuba jidasi Juanta iyi k’aidu 12 panʉra bamarẽã.
‎Juan Jesu neũduk’awuarabasi,
‎maʉ̃ba iya’a jarasi akʉmarẽã yi papa Mariata.
‎Evagelion Juanra yi libro jõbodoarebema.
‎Maʉ̃ra bʉsida Efesode poaga 98,
Jesu beida 65 poagababʉrʉde.
‎Maʉ̃ poagade, Jesuba Jerusalen
jõi jaradara aripe berabarisi.
‎Jarapanʉ 92% bʉta naʉ̃ librode eda jarabʉta
wuabema evangelioba jara ẽãta.
‎Juanbara audre bʉsi kãga ʉ̃rʉ
wuabema evangelioraira.
‎Juan librobara 21 kapitulo erbʉ.
‎Kapitulo 1ne jarabʉ Jesuba ʉ̃tʉ k’ãrẽ obadata.
‎Mama jarabʉ, Jeowabara
nejõma parãsita Jesudeba.
‎Jesura trʉ̃gapanʉ «Bed’ea»
Jeowaba zok’abʉta jarabʉ baera.
‎Kapitulo 2-6 bayeda jarabʉ
Jesuba odata poaga ũme o eda.
‎Kapitulo 2de jarabʉ Jesuba miõba oka odata
Cananne, juwa jida barabaside.
‎Bino jõdogode, iya 380 litro o
100 jibado, baniata bino babisi.
‎Naʉ̃ba audre ĩjãbisi iyi k’aidupanʉra’a.
‎Kapitulo 6de jara ũrĩbibʉ ẽbẽrarã
5.000 bʉta nekobigasita,
‎maʉ̃ awuara wẽrãrata akʉza wũãwũãrata.
‎Kapitulo 7-12 bayeda jarabʉ
Pascua poaga 32 tẽã, berabaridata.
‎Jesura wãsi Betaniaena mama jẽda
piradrʉbisi yi neũduk’awua Lazaro beidata.
‎Beidata ewari kimarebasimina,
maʉ̃ra jẽda piradrʉsi Jesuba jaraside.
‎Kapitulo 12de jara ũrĩbibʉ Jerusalenne
Jesu sãwũã jʉ̃ãna peadata.
‎Ẽbẽra mejãchaʉba naʉ̃ bed’eata jarasida:
«Daizezera ibia jarad’aya!
‎¡Ibia jarad’aya Daizezed’eba [Jeowadeba]
zebʉrʉra, izhira Rey Israel b’ed’ea!».
‎Kapitulo 13-19 bayeda jarabʉ ewariaba k’ãrẽ
berabaridata 14 nisanne poaga 33de.
‎Jesura iyi k’aidupanʉrabawara ãbapanasi
Pascua ewaride Jerusalen de ʉ̃tre.
‎¿K’awuabasika?
‎Juan librobara jarabʉta Jesuba
Pascua kimare odara iya jaradiabaside.
‎Naʉ̃ba dayirã’a bi’ia k’awuabibʉ Jesubara
poaga ũbea berabari jaradiabasita.
‎Pascua jõita, Jesubara edabʉta ũdubisi
iya iyi k’aidupanʉra jĩrʉ zʉgʉside,
‎maʉ̃ra opanasi yi trajapanʉraba.
‎Maʉ̃ diamasi Jesuba naʉ̃ta jarasi:
«Arib’aeita zhiwid’ita mʉã marãã jaraya:
‎Zhiya kʉãg’audua, mʉã marãta kʉãg’a b’ʉ kĩrãk’a».
‎maʉ̃ bed’eara ãyitara yiwid’ibasi
audre kãgamarẽã jarabʉ baera.
‎Kapitulo 17de jarabʉ Jesu iyi
k’aidupanʉrabawara wua yiwid’i ẽ bai yiwid’idata.
‎Maʉ̃ tẽã Getsemanine, Jesubara zowaĩnĩgʉa
ũdubisi gorogororaba jida zesidadera.
‎Maʉ̃ mawũã berabarida tẽã
Jesura beisi ẽbẽra jõmaʉ̃bari.
‎Kapitulo 20-21 bayeda jara ũrĩbibʉ
Jesu beida jẽda piradrʉada tẽã
‎yi ũdubisita iyi k’aidubemara’a.
‎Juan libro akʉbʉrʉde bia akʉra
sãwũã Jesuba kãga ũdubidata ẽbẽrarã’a,
‎adewara edabʉta akʉza Mesiata,
Daizeze Nok’o baera.