JW subtitle extractor

‎Yi naa bed’eabʉchuta Hechos de Apóstoles ʉ̃rʉ.
‎Evangelio Lucabara bʉsi Hechos librora.
‎Kapitulo 1-12 bayeda jarabʉ apostol Pedroba odata.
‎Kapitulo 13-28 bayeda jarabʉ,
‎apostol Pabloba jaradiabadata.
‎Lucaba nebʉradara iyi dabʉba ũduda Pablo k’aidubasi baera.
‎Hechos librodera jarabʉ kristianora kongregasion sãwũã
‎jʉ̃drʉdata akʉza mesera waridata.
‎Nama eda jarabʉra evangelio Lucaba
‎jõma jara ẽ badata jarabʉ.
‎Naʉ̃ librora 28 poagaba.
‎Jʉ̃drʉsi poaga 33de, Jesu ʉ̃ta wãta nebʉraside
‎akʉza jõsi poaga 61ne, Pablo Romane jidasidade
‎Nok’o Cesarʉ̃me bed’eaya jʉ̃ãbaside.
‎Evangelio Lucata akʉza Hechos de Apóstoleraʉ̃mera
‎poaga jĩgapana ẽ basi
‎akʉza ãyara iyabaʉ ẽbẽra bʉ diabʉesida: Teófilo’a.
‎¿K’awua basika?
‎Lucaba bʉside iyi librota,
‎Teófilo’a jarasi
‎«bʉ yi zromara»,
‎iyira nok’obasi baera.
‎Mamina libro Hechosdera mawũã jara ẽ basi Teófilo’ara,
‎Daizeze ode k’ẽrẽpabasi baera.
‎Hechos de Apóstoles librobara 28 kapitulo erbʉ.
‎Kapitulo 1nera, Jesuba jarasi yi k’aidubemara
‎jõmaʉ̃ba ũduk’awuadaita.
‎Maʉ̃ tẽã wãsi ʉ̃ta.
‎Kapitulo 2de jarabʉ, ewari diez berabarida tẽã,
‎Pentecostés poaga 33de
‎Daizeze jaure zarea zesi Jesu k’aidubemara 120 bʉ ʉ̃rʉ.
‎Maʉ̃ ewaride, buru k’oesida 3.000 ẽbẽrarã.
‎Kapitulo 3-9 bayeda jarabʉ,
‎sãwũã Jesu k’aidubemaraba
‎Daizeze bed’ea sobia jaradia jʉ̃drʉdata.
‎Ãyi mejãcha zʉbʉria osidamina,
‎Jesuba zok’adara zoĩnĩgʉa jaradiapanasi mawũã berabarisidu.
‎Estebanra, nãã kristianoba jʉ̃drʉdabasi,
‎maʉ̃ra beasida iya ĩjãbʉ k’area.
‎Yumakẽrã Sauloba ũdusi maʉ̃ra akʉza maʉ̃rarebasi.
‎Mawũã berabarida tẽã Jesura yi ũdubisi Saulo’a
‎Damosco ode.
‎Mawũã berabarida tẽã kristianobasi,
‎maʉ̃ tẽã iyira ũduk’awuasida apostol Pablo.
‎Kapitulo 10-11 bayeda jarabʉ,
‎Jesu k’aidubemarara sobiadepanasita.
‎Jeowabara apostol Pedrodeba jaradiasi iyi bed’ea judioara ẽã.
‎Maʉ̃ poagade, «kristiano» trʉ̃gasida Jesu k’aidubemara ũduk’awuadamarẽã.
‎Kapitulo 12de jarabʉ jẽda zʉbʉria odata.
‎Herodeba zok’asi apostol Santiagota
‎beadamarẽã akʉza Pedrota karselde bʉesi,
‎angel abaʉba ẽdrʉbisi.
‎Kapitulo 13-21 bayeda jarabʉ Pablo jʉ̃ẽna ũbea jʉ̃ẽsita,
‎poaga 47deba 56 bayeda.
‎Nããra wãsi Pablora pʉwʉrʉ Chipre eda
‎akʉza ʉ̃kʉrʉ pʉwʉrʉ Asiadebema Menorma.
‎Yi ũme wãnara, jẽda zesi Asia Menor eda
‎maʉ̃ tẽa wãsi Mecedoniaena akʉza Grecia eda.
‎Yi ũbea wãnara, poaga kimare bayeda wãsi
‎maʉ̃ta Jerusalenne jõsi.
‎Yi wãna ũmene akʉza yi ũbeade,
‎Pablobara sei karta bʉsi Daizeze jaure k’arebadeba.
‎Libro Hechoba jarabʉdera Pablora wãsi 16.000 kilometro,
‎maʉ̃ra bʉ 10.000 milla.
‎Kapitulo 21ne jarabʉ,
‎Pablora jidasida k’ãrẽ kayirua oẽãta Jerusalenne.
‎Kapitulo 22-26 bayeda jarabʉ Pablo yi jarabi ẽ badata.
‎Nããra wãsi Félix Judea nok’oma’a
‎maʉ̃are wãsi nok’o Festoidu,
‎maʉ̃ tẽã nok’o Herode Agripa 2idu
‎Pablo ẽdrʉya,
‎iya widisi Cesar’ʉ̃me bed’eaita
‎pʉwʉrʉ Roma nok’odebema’a.
‎Kapitulo 27-28 bayeda jarabʉ Romaena zʉbʉria wãnata
‎akʉza doba zʉbʉria odata.
‎Pablora Romane jida erpanʉ ãya k’awua oyeda.
‎Iyi mawũã karselde bʉidu Daizeze bed’ea jaradiabʉ
‎yi ẽbẽra akʉ wãpanʉ’a
‎Naʉ̃ libro Hechos de Apóstoles akʉbʉrʉde,
‎bi’ia akʉra sãwũã Daizeze jaure zareaba k’arebasita
‎nabema kristianorãra,
‎Daizeze bed’ea zowaĩnĩgʉa jaradiaita zʉbʉria opanʉmina,
‎adewara sãwũã yõsidata Daizeze nok’o
‎ʉ̃rʉ jaradiaita iduaribidamarẽã.