JW subtitle extractor

Een introtutsioon fom puuch Atos.
Lukas hot Atos dos Apóstolos kexrip.
Ti kapitele 1 pis 12 fon Atos
xraype iwich ti aarwayt woo te aphostel Pheeter kemacht hot.
Ti kapitele 13 pis 28
tsayche ti aarwayt fom aphostel Phaul.
Lukas waar in ëtliche reese woo Phaul kemacht hot.
Tës weeche, khont Lukas tinge xraype
woo ëyer sëlepst kesiin hot.
Atos tuut taytlich pexraype
wii ti ëyerste kemaynte aan kefang hon
un wii se xnël kewaks sin.
Ti ewënte fom puuch Atos
fange aan woo Lukas sayn Ewankeelium am ën keet.
Atos xprëcht iwich 28 yoere.
Ti fange aan im yoer 33,
wii Yeesus im himel kang is, pis tas yoer 61,
wii Phaul in Roma in kexpeert waar un kewaart hot
op ëyer thërft foer te Kayser khome.
Tas puuch Atos is kexrip woer
phaar yoere noom Lukas sayn Ewankeelium.
Ti tswaay sin fer te sëlwiche man kexrip woer, Teófilo.
Wust tuu tas?
In sayn Ewankeelium,
hot Lukas een thitel penuts fer mit Teófilo xprëche,
woerxaynlich wayl tee een wichtich xtël hat.
Awer in tas puuch Atos, hot Lukas nët te thitel penuts.
Tas tsaycht tas Teófilo xon als kriste kewaks waar.
Atos dos Apóstolos hot 28 kapitele.
Im ëyerste kapitel,
saat Yeesus tas sayn tisipele teete iwich iim preetiche
‘pis tas wayteste teel fon te ëyert.’
Tan, keet ëyer tsum himel.
Tas tsweete kapitel tsaycht tas noo tseen taache,
is hayliche kayst iwich 120 tisipele aus kexit woer,
am Phinkste im yoer 33.
Xpeeter hin, am sëlwiche taach,
sin unkefeer 3 tausent mënxe ketaaft woer!
Ti kapitele 3 pis 9
tsayche wii ti ëyerste kriste flaysich in te preetich waare
un ti wunere woo se kemacht hon.
Tii hon wayter mit koraaj ti kuute notiisie kepreeticht
opwool fiil keeche tëne waare.
Estêvão, eene fon te ëyerste kriste,
is soo kaar um keprung woer weeche sayne klaape.
Saulo waar tepay un hot aan kenom wii se Estêvão um keprung hon.
Yeesus hot sich fer Saulo ketsaycht im weech tsu Tamasko.
Noo tas, is Saulo eene krist kewoer
un xpeeter hin is ëyer wii te aphostel Phaul pekhant woer.
Ti kapitele 10 un 11 pexraype een tsayt woo ti tisipele friit hate.
Yeehoowa hot torich Pheeter ti kuute notiisie
fer tii woo nët yuute waare, pekhant kemacht.
In tiise tsayt, is tas wort “krist” tas ëyerste mool penuts woer
fer tsayche weer Kristus sayn tisipele waare.
Im kapitel 12, fang ti yachtung noch mool aan.
Erotes xikt tas Tiako solt um keprung wëre un tuut Pheeter in xpërte;
xpeeter tuut een ënkel tee pefraye.
Ti kapitele 13 pis 21 pexraype Phaul sayn tray reese fer preetiche,
tswixich ti yoere 47 un 56.
In sayn ëyerst rees,
keet Phaul noo Xipre un noo ëtliche xtëte fon Kleen Asia.
In sayn tsweet rees,
keet ëyer noch mool torich Kleen Asia
un keet tsu Masetoonia un Kresia.
Phaul sayn trit rees tauert unkefeer fier yoer
un keet am xlus in Yeruusalëm.
Phaul hot seks inspiriirte priife kexrip
in te tsayt woo er ti tsweet un ti trit rees kemacht hot.
Soo wiis im puuch Atos kexrip is,
Phaul hot unkefeer 16 tausent khilomeeter kereest.
Im kapitel 21,
wërt Phaul unxultich in kexpërt in Yeruusalëm.
Ti kapitele 22 pis 26 tsayche wii Phaul sich kexits hot.
Ëyer khomt foer Fëliks, rechiirente fon Yuutea; sayn nookhomer, Festus;
un te kheenich Erotes Akripa te tsweete.
In sayn reet, hot Phaul ferlangt fer tsu te Kayser keen,
ti kreeste romaanix autoriteet in ti tsayt.
Ti kapitele 27 un 28 pexraype Phaul sayn xwëyer rees noo Roma,
un wii tas xif uner kang is.
Tas lëtste teel fon Atos
tsaycht Phaul in kexpërt in een haus fer in Roma kericht wëre.
Opwool Phaul in kexpërt is,
tuut er wayter preetiche fer ale woo iim pesuuche.
Wiis tuu Atos dos Apóstolos leest,
kuk wii te hayliche kayst kraft fer ti tisipele këp hot,
wii se mit koraaj kepreeticht hon aach wii se yachtung mit kemacht hon,
un wii se ti rechiirungs kesëtse penuts hon
fer sayn rëcht se xitse fer ti kuute notiisie fon Kot sayn Raych preetiche.

Introtutsioon fon Atos dos Apóstolos