JW subtitle extractor

Omuaraa parau o te buka Ohipa.
Na Luka i papai i te buka Ohipa.
I te pene 1 tae atu i te 12,
no nia i te taviniraa a Petero.
E te pene 13 tae atu i te 28,
no nia ïa i ta Paulo i rave.
Ua apiti Luka i te tahi mau tere o Paulo,
ua ite mata ïa oia i te tahi
mau tupuraa ta ’na i papai.
Te faatia ra te buka Ohipa i te
haamataraa o te amuiraa Kerisetiano
e te maraa-oioi-raa o te reira.
Ua haamata te reira a
hope ai te evanelia a Luka.
Te puohu ra te buka Ohipa i
te hoê area tau e 28 matahiti,
i to Iesu revaraa i nia
i te ra‘i i 33 tae atu i 61,
a tiai ai Paulo i te faaotiraa o
ta ’na hororaa i mua ia Kaisara.
Ua papaihia te buka Ohipa tau matahiti
noa i muri mai i te evanelia a Luka.
Ua papaihia te reira no
te hoê â taata, Teophilo.
Ua ite anei oe?
A papai ai i ta ’na evanelia,
ua faaohipa Luka i te hoê parau
e faaite ra i te faatura ia
Teophilo no to ’na tiaraa teitei.
Aita râ Luka i faaohipa i te
reira i roto te buka Ohipa,
e nehenehe ïa e mana‘o e Kerisetiano
paari i te pae varua o Teophilo.
E 28 pene to te buka Ohipa.
I te pene 1, ua parau Iesu e riro ta ’na mau pǐpǐ
ei ite no ’na “tae noa ’tu i te hopea o te fenua.”
I reira reva ’tura oia i nia i te ra‘i.
I te pene 2,10 mahana i
muri iho, i te Penetekose 33,
ua niniihia mai te varua mo‘a i nia 120 pǐpǐ.
I taua atoa ra mahana,
3000 taata tei bapetizohia.
I te pene 3 tae atu i te 9,
te faahitihia ra te pororaa itoito a te mau pǐpǐ
e te mau semeio ta ratou i faatupu.
Noa ’tu ua hamani-ino-hia ratou,
ua tamau noa ratou i te faaite
i te poroi Kerisetiano ma te itoito.
Ua taparahi-pohe-hia
Setephano no to ’na faaroo.
Ua ite e ua farii te hoê taata, o Saulo
te i‘oa, ia haapohehia o Setephano.
Aita i maoro roa, ua fa ’tu Iesu ia Saulo
i nia i te e‘a e haere i Damaseko.
I muri iho, riro mai nei Saulo ei Kerisetiano,
tei matauhia i muri a‘e, te aposetolo Paulo.
Te faataa ra te pene 10 e te 11
te hau ta te mau pǐpǐ i fana‘o.
Ua faaohipa Iehova ia Petero
no te poro rahi atu â i te
feia atoa e ere i te Ati Iuda.
I tera atoa taime, i faaohipahia ’i te ta‘o
“Kerisetiano” no te mau pǐpǐ a te Mesia.
I te pene 12, ua tupu
faahou te hamani-ino-raa.
Ua haapohe o Heroda ia
Iakobo e ua tapeahia Petero,
a faaorahia ’i oia e te hoê melahi.
I te pene 13 tae atu i te 21,
te faataahia ra na toru tere
mitionare a Paulo i 47 tae atu i 56.
I to ’na tere mitionare matamua,
ua haere Paulo i Kupero e i Asia iti.
I te piti o to ’na tere, ua ho‘i oia
i Asia iti, i Makedonia e i Heleni.
E maha matahiti te maoro te toru o
te tere mitionare tei hope i Ierusalema.
I te piti e te toru o to ’na tere, ua
papai Paulo e ono rata faauruahia.
Te parauhia ua tere Paulo
fatata 16000 kilometera.
I te pene 21, ua tapeahia Paulo
ma te tano ore i Ierusalema.
Te faataa ra te pene 22 tae atu i te 26
i to Paulo parururaa ia ’na i mua ia Felisi,
ia Phesito e te arii Heroda Ageripa II i muri iho.
No te paruru ia ’na, ua ani Paulo
ia haavahia o ’na i mua ia Kaisara,
te mana teitei roa ’‘e i Roma.
I te pene 27 e te 28, ua faaruru Paulo i te
mau tupuraa atâta mau, mai te tomoraa pahi.
I te pae hopea o te buka Ohipa,
ua tapeahia Paulo i roto te hoê
fare a tiai ai to ’na haavaraa.
Noa ’tu ua tapeahia o ’na,
ua tamau noa oia i te poro i
te feia e haere mai e hi‘o ia ’na.
A taio ai i te buka Ohipa,
a tapao na mea nafea te mau
pǐpǐ i te faatavairaahia e te varua mo‘a,
oia atoa te faarururaa
i te hamani-ino-raa
e i te faaohiparaa i te ture no
te paruru i to ratou tiaraa e poro
i te parau apî oaoa a te
Faatereraa arii a te Atua.

Omuaraa parau o te buka Ohipa a te mau Aposetolo