JW subtitle extractor

‎Fampilira bokini-Asan’ny Apostoly.
‎Lioka, mpanoratsy Filazantsara iny
ro nanoratsy ty Asan’ny Apostoly.
‎Ty fanompoani-apostoly Petera
ro tena resahini-toko voalohany zisiky 12.
‎Ty toko faha-13 zisiky 28 amy zay,
miresaky ty fanompoani-apostoly Paoly.
‎Niaraky tamy Paoly Lioka tamy liany sisany,
‎ka nihitany maso ty tantara sisany nisoratiny ao.
‎Ahità tsipiriany maro mikasiky
ty nanombohani-fiangona kristiana
‎noho ty fitomboany malaky
ty bokini-Asan’ny Apostoly.
‎Manomboky amy nitamperani-
Filazantsarani-Lioka iny eo ty fitantaràny.
‎Raha niseho tanatini-28 tao eo ty hita ao,
‎manomboky amy niakarani-Jesosy
tan-danitsy any tamy tao 33
‎zisiky amy tao 61 eo,
‎tamy Paoly mbo nigadra
tamy trano raiky ta Roma any,
‎sady nandiny ty valini-
fampiakarany fitsarà amy Kaisara.
‎Nifanelanela tao vitsivitsy avao ty nanorata
‎ty Filazantsarani-Lioka
noho ty Asan’ny Apostoly.
‎Samby nisoraty ho ani-Teofilo koa rozy roe.
‎Fa nihainao va?
‎Lafa nanoratsy ty Filazantsarany Lioka,
le nivola hoe Teofilo “hajaina.”
‎Midika raha zay fa mety ho
manam-pahefà anabo Teofilo.
‎Fe, tsy nampiasa safà fanajà io sasy
Lioka amy Asan’ny Apostoly ao,
‎ka mety hidika raha zay hoe
fa Kristiana matotsy Teofilo tamy fotoa zay.
‎Misy toko 28 ty Asan’ny Apostoly.
‎Amy toko voalohany ao,
le nivola Jesosy hoe
‎ho vavolombelony “zisiky amy faritsy
lavitsy biby amy tany toy any” ty mpianatsiny.
‎Bakeo niakatsy an-danitsy any ie.
‎Mitantara ty toko faha-2 hoe folo andro tafarani-zay,
‎tamy Pentekosta tao 33,
‎le nilatsahani-fanahy masy
ty mpianatsy tokotokony ho 120.
‎Tamy andro iny avao le
olo 3 000 eo ro natao batisa!
‎Hita amy toko faha-3 zisiky faha-9 ao
ty modelini-mpianatsy reo
‎satria nafana fo rozy lafa nitory
noho nanao fahagagà.
‎Niatriky fanenjeha bevata rozy,
‎fe mbo nahasaky nitory
ty hafatsy mikasiky ani-Kristy.
‎Nivonoa vokatsini-finoany mihintsy aza
‎ty Kristiana voalohany raiky,
kaihy hoe Stefana.
‎Nahita maso ty namonoa ani-Stefana
lahilahy mana anara Saoly zay
‎sady naneky ty famonoa azy.
‎Fe, tsy ela tafara tatoa,
le niseho tamy Saoly Jesosy
‎tamy lala mana Damaskosy any.
‎Nanjary Kristiana Saoly tafarani-zay,
le apostoly Paoly ro ahaizani-maro azy.
‎Ty toko faha-10 noho 11 miresaky
ty fotoa nampilamindamy ani-mpianatsy rey.
‎Nampiasa ani-apostoly Petera Jehovah mba
hitoria tamy Jentilisa, zany hoe ze tsy Jiosy.
‎Tamy fotoa nisiani-fitomboa io
ro namorona ty safà hoe “Kristiana”,
‎mba hivolana ty mpianatsini-Kristy.
‎Mivola ty toko faha-12 fa
niavy ndraiky ty fanenjeha.
‎Nivonoani-Heroda apostoly Jakoba.
‎Nigadrany koa Petera,
fe nisy anjely nanafaky azy.
‎Ty toko faha-13 zisiky 21,
mitantara ty lia misionera miavaky telo
‎nataoni-Paoly, tokotokony
tamy tao 47 zisiky amy tao 56.
‎Nandeha ta Sipra noho tampany
amy faritsy Azia Minora any Paoly
‎tamy liany misionera voalohany.
‎Tamy lia misionera faharoe,
‎le nimpoly mbamy faritsy Azia Minora iny ie,
‎sady nandeha ta Makedonia noho Gresy.
‎Naharitsy efatsy tao ty lia misionera fahatelo nataoni-Paoly,
‎le nitampitsy a Jerosalema ao.
‎Nanoratsy taratasy eny Paoly
‎tanatini-fotoa nanaovany
lia misionera faharoe noho fahatelo rey.
‎Misy mivola fa mahatratsy 16 000 km eo
‎ty liani-Paoly voatantara
amy bokini-Asan’ny Apostoly ao.
‎Amy toko faha-21,
‎le nisambory tsy amin’antony
Paoly ta Jerosalema tao.
‎Ty toko faha-22 zisiky 26
miresaky ty fiarovan-tenani-Paoly.
‎Niseho tamy Feliksa, governorani-Jodia ie,
‎tamy Festosy mpandimby azy,
‎noho tamy Mpanjaka Heroda Agripa II.
‎Lafa nivola ty fiarovan-tenany Paoly,
le nampiakatsy fitsarà amy Kaisara,
‎zany hoe ty manam-pahefà romanina
farani-anabo tamy fotoa zay.
‎Ty toko faha-27 noho 28
‎mitantara ty raha sarotsy nahazo ani-Paoly
tamy liany ho a Roma any,
‎nivaky sambo ohatsy ie tamy zay.
‎Nigadra tamy trano raiky
ta Roma tao Paoly
‎sady nandiny ze raha hahazo azy.
‎Tampitsy eo ty tantara
amy Asan’ny Apostoly ao.
‎Nitory tamy ze olo niavy taminy
tao avao ie, ndre nigadra.
‎Lafa mamaky ty bokini-Asan’ny Apostoly iha,
‎le henteo fa nahazo ty herini-fanahy masy mpianatsy reo,
‎nahasaky nitory rozy ndre nisy fanenjeha mafy aza,
‎sady nampiasa ty lalàna
‎mba hiarova ty zon-drozy hitory
ty vaovao soa mikasiky ty Fanjakà-Ndranahary.
‎.

Fampilira Bokini-Asan'ny Apostoly