JW subtitle extractor

Kèk bagay nou ka aprann
sou liv Women an.
Liv Women an parèt an premye
nan 21 lèt ki gen nan liv
ki te ekri an grèk yo.
Apot Pòl te ekri 14 nan lèt sa yo,
pami yo nou jwenn
lèt Women an.
Li pwobab pou se nan
ane 52 epòk nou an
Pòl te kòmanse 3yèm
vwayaj li kòm misyonè.
Ozanviwon ane 56 epòk nou an,
pandan Pòl te nan Korent,
li te ekri kretyen nan vil Wòm yo,
yon vil li potko menm vizite.
Liv Women an gen
16 chapit ladan l.
Nan chapit 1 an,
Pòl pale sou anvi l genyen
pou l vizite kretyen Wòm yo
yon fason pou youn
ka ankouraje lòt.
Li te pale tou sou
konduit monn nan
ki pa gen respè pou Bondye,
yon konduit yo pa
gen eskiz pou li,
paske kalite Bondye yo
ki envizib yo
parèt aklè nan bagay li kreye yo.
Èske w te konnen?
Pòl te sèvi ak Tètiyis
kòm sekretè
pou l ekri lèt sa a.
Petèt se Febe, yon sè ki te fidèl,
ki te pote lèt sa a Wòm
oubyen li te akonpaye
moun ki te pote l la.
Nan chapit 2 a,
Pòl pale sou jan
Bondye pa gen patipri.
Bondye pral jije ni moun ki Juif,
ni moun ki soti nan lòt nasyon
sou baz menm prensip yo.
Nan chapit 3 ak chapit 4,
Pòl fè konnen Jewova deklare
ni Juif ni Grèk jis grasa
lafwa yo demontre,
e li sèvi ak egzanp Abraram
pou l montre sa.
Abraram t ap viv anvan
Jewova te bay Lalwa
pa mwayen Moyiz e anvan Jezi
te vin bay lavi l pou nou.
Men, Bondye te konsidere
Abraram kòm yon moun ki jis
paske Abraram te gen
yon gwo lafwa.
Nan chapit 5 ak chapit 6,
Pòl montre Adan te
peche kont Bondye.
Se sa k fè lèzòm vin
eritye peche ak lanmò.
Yon moun ap jwenn
delivrans sèlman
si l demontre li gen
lafwa nan Jezi
ak nan sakrifis li te fè
lè l te bay lavi l la.
Nan chapit 7 ak chapit 8,
Pòl pale sou fason lwa Moyiz la
te fè konnen sa peche ye
e poukisa kretyen yo
pa anba lwa sa a ankò.
Nan chapit 9 ak chapit 10,
Pòl fè konnen moun ki
demontre lafwa yo
kapab vin pitit Bondye
kèlkeswa nasyonalite yo.
Nan chapit 11,
Pòl pran egzanp yon pye oliv
ki nan yon jaden.
Li konpare Juif ki pa t
aksepte Jezi antanke Mesi a
ak branch yo rache yo.
Kretyen ki soti nan lòt nasyon yo,
se branch ki soti nan
yon pye oliv mawon
yo grefe yo nan plas
branch yo rache yo.
Tout moun ki vle
fè pati pyebwa sa a
dwe kontinye gen imilite
e yo dwe demontre
lafwa nan Jezi.
Nan chapit 12 ak chapit 13,
Pòl ankouraje kretyen yo
pou yo anpè ak tout moun,
pou yo youn renmen lòt
e pou yo respekte otorite
nan gouvènman yo.
Nan chapit 14 ak chapit 15,
Pòl bay kretyen yo konsèy
pou yo sispann jije youn lòt,
okontrè, yo dwe soutni
sa ki fèb yo.
Nan chapit 16 la,
pou fini,
Pòl bay kèk ankourajman
e li salye kèk moun pèsonèlman.
Li site non 26 moun.
Pandan w ap li liv Women an,
yon liv Bondye enspire,
gade ki jan Bondye montre l
pa gen patipri
nan fason l boule ak tout moun,
fason kretyen yo ta dwe
viv anpè ak lòt moun
ak fason nou libere anba
peche ak lanmò
sèlman lè nou demontre
nou gen lafwa nan Jezi,
Wa nan Wayòm Bondye a.

Kèk bagay nou ka aprann sou liv Women an