JW subtitle extractor

Yi naa bed'eabʉchuta Romanos ʉ̃rʉ.
Eskritura griegade bʉ 21karta, karta Romanone naa bʉdata.
Apostol Pablobara bʉsi 14 maʉ̃ra nebemarata,
karta Romanone edabʉta.
Pablobara o jʉ̃drʉsi yi biaje ũbeata poaga 52de dayirã ewaride.
Corintode basieda, poaga 56eda,
bʉsi kristianora romano nebema, Romane ba ẽ basimina.
Romano kartabara erbʉ 16 kapitulo.
Kapitulo 1nera Pablobara jarasi akʉ wãkĩrãbʉta
kristianora Romano nebemarata,
ãya zarea diaita akʉza ãya iya zerea diaita.
Akʉza jara ũrĩbisi ẽbẽrarãba kayirua obʉra
k’awũã oẽ baibara basita,
Daizeze nebiata ũdu panʉbaera iya odadeba.
¿K’awua basika?
Pablobara jara ũrĩbisi naʉ̃ kartara Tercioba bʉmarẽã.
Mebẽã Pebeba etesi maʉ̃ kartara Romaena
mawũã ẽ bʉrʉ iya kopayasi ẽbẽra maʉ̃ etedata.
Kapitulo 2de, Pablobara jarasi Daizezebara
wuabemarãra kĩrã awuara akʉ ẽãta.
Daizezebara jõma abarika akʉbasi Judiorata akʉza judiora ẽãta.
Kapitulo 3 akʉza 4de,
Pablobara jarasi Jeowabara bia akʉbʉta judiorata
akʉza griegorata abarika akʉbasi ãya wãrĩnu
ĩjã basibaera adewara Abran’a yizata ũdubisi.
Abrã’ara basi Jeowaba Moisea Ley diainabeda
akʉza Jesu bei nabeda dayirãbari.
Mamina, Daizezebara Abra’ara bia akʉbasi
iya ũdubibasibaera wãrĩnu ĩjãbʉta.
Kapitulo 5 akʉza 6de,
Pablobara jara ũrĩbisi Adan bara nekayiruata osita Daizeze nãã
akʉza ẽbẽra jõmaʉ̃ta nekayirua omiata adewara maʉ̃ba beipanʉta.
Dayirã ewari jõmaʉ̃ne b’aira Jesu beidata wãrĩnu ĩjã baibara.
Kapitulo 7 akʉza 8de
Pablobara jarasi Ley moisedeba ũdubita k’ãrẽta nekayiruata
adewara k’ãrẽa kristianorabara idi ewadera
ũrĩ ẽ b’aibara maʉ̃ Ley.
Kapitulo 9 akʉza 10de,
Pablobara jarasi wãrĩnu ĩjã bʉrabara,
krĩcha ẽ samabema puwuruta,
maʉ̃rãra Daizeze warrara baseabʉ baera.
Kapitulo 11de, udubibʉ yiza aba bakuru olibo ʉ̃rʉ.
Judiora Dayirã ẽdrʉbibari ũrĩ kĩrã ẽ badara
nek’arra ema kĩrãk’abʉ.
Bʉ bʉmaera, ũdupanʉka olibo bakurura,
maʉ̃ra jarakĩrãbʉ kristianora judiora ẽãta.
Maʉ̃ mawũã bakuru juwabaira,
eda krĩchai barabasi yi zroma ẽãta
akʉza wãrĩnu ĩjãĩ bara basi Jesuta.
Kapitulo 12 akʉza 13de,
Pablobara zareadiasi krisitianora sãwũã
i biade b’aibarabasita jomaʉ̃rame
akʉza ãyiraĩ wawiata ũdubibarasi.
Kapitulo 14 akʉza 15de apostol Pablobara ũrãg’ata diasi
ãyiraĩ bedeaka ẽ bamarẽã awuarabʉrʉ
karebamarẽã mebẽrã yi mapaebʉta.
Kapitulo 16de Pablobara Mebẽrarã zarea diabu iyi karta bʉ bʉdeba
akʉza kãgata ũdibisi 26 mebẽrarã trʉ̃ aba abaka jaradadeba.
Bʉa naʉ̃ karta akʉbʉrʉdera
bi’ia akʉra sãwũã Daizezeba jõma abarika akubuta ẽmbẽrarãra
maʉ̃ba kristianorãsi i biade b’aibara akʉza ne
kayiruadeba jĩgapanʉ Jesubeidata wãrĩnu ĩjãpanʉbʉrʉ
Jesuba zok’a jʉ̃drʉibera Daizeze Nok’ota

Yi naa bed’eabʉchuta Romanos ʉ̃rʉ