JW subtitle extractor

‎Roma mba takayaɣ yɔɔ kɔɔnɔɔ tɔm.
‎Takayɩsɩ nzɩ sɩwɛ Grɛɛkɩ Masɩ taa yɔ,
‎paama sɩ-taa 21 nɛ petiyini agbaa yaa ɛyaa
‎nɛ kɔɔnɔɔ ñɩŋga lɛ, Roma mba takayaɣ.
‎ Apostoloo Pɔɔlɩ manɩ takayɩsɩ nzɩ
‎sɩ-taa 14 pɩkpɛndɩnɩ Roma mba ñɩŋga.
‎Pɩnaɣ 52 taa mbʋ yɔ Pɔɔlɩ paɣzɩ
‎Ɛsɔtɔm tiyiyu nʋmɔʋ naadozo ñɩŋgʋ ɖɔm.
‎Pɔɔlɩ kaawɛ Kɔrɛntɩ pɩnaɣ 56 taa lɛ,
‎ ɛma takayaɣ Roma mba,
‎pɩɩkɛ tɛtʋ ndʋ etaatiiwobiti tɩ-taa yɔ.
‎Ñʋŋ 16 wɛnɩ Roma mba takayaɣ taa.
‎Ñʋʋ 1 taa lɛ,
‎Pɔɔlɩ yɔɔdaa se
‎ɛɛsɔɔlɩ siŋŋ se ɛna Roma Krɩstʋ
‎ñɩma nɛ ɛ nɛ wɛ pakpazɩ ɖama ɖoŋ.
‎lɩzɩ pɩ-taa ɖɔɖɔ se ɛyaa fɛyɩnɩ
‎kawanaɣ nakɛyɛ se pataatisi Ɛsɔ yɔɔ,
‎mbʋ pʋyɔɔ yɔ
‎wɛtʋ ndʋ ɛwɛna nɛ paanaɣ-tʋ yɔ,
‎panaɣ-tʋ e-wondu kɩlɩzɩtʋ taa.
‎ Ŋŋsɩm-tʋ?
‎Tɛrtiyuusi Pɔɔlɩ kpaɣ se ɛma-ɩ takayaɣ ŋga.
‎Pʋtɔma koobu halɩñɩnʋ siɣsiɣ tʋ Feebee wonini
‎takayaɣ ŋga Roma yaa ɛsɩ weyi ewoni-kɛ yɔ.
‎Ñʋʋ 2 taa, Pɔɔlɩ ñɩɣʋ niye ɛzɩma
‎Ɛsɔ ɛɛtʋkʋʋ ɛyaa taa yɔ pɩ-yɔɔ.
‎Paa pɩtɩɩkɛ Yuuda mba yaa sɩɩnaa layaa
‎yɔ, pa-lakasɩ yɔɔ pakaɣ-wɛ hʋnʋʋ tɔm.
‎Ñʋŋ 3 nɛ 4 taa Pɔɔlɩ lɩzɩ pɩ-taa se,
‎paa ɛyʋ ɛtɩɩkɛ Yuuda tʋ
‎yaa Grɛɛkɩ tʋ yɔ,
‎e-tisuu yekina nɛ ɛwɛ
‎siɣsiɣ Yehowa ɛsɩndaa;
‎nɛ ɛkpaɣ Abraham
‎kɩɖaʋ nɛ ɛlɩzɩnɩ pɩ-taa.
‎Abraham kaacaɣ wezuu pʋcɔ
‎nɛ pahaɣ Moyizi paɣtʋ
‎nɛ pʋcɔ ɖɔɖɔ nɛ
‎Yesu laɣ e-wezuu.
‎Paa mbʋ yɔ,
‎Ɛsɔ ya Abraham se ɛkɛ ɛyʋ
‎siɣsiɣ tʋ e-tisuu sɔsɔm yɔɔ
‎Ñʋŋ 5 nɛ 6 taa Pɔɔlɩ lɩzɩ pɩ-taa
‎se Aɖam manɩ Ɛsɔ paɣtʋ yɔɔ
‎nɛ mbʋ pɩlɩ pɩ-taa yɔ lɛ se ɛyaa
‎kpeekpe pɩsɩ kɩwɛɛkɩm laɖaa nɛ pasɩkɩ.
‎Mbʋ pɩpɩzɩɣ nɛ pɩha-ɖʋ ñʋʋ yabɩtʋ yɔ
‎lɛ se, ɖitisi Yesu nɛ ɛ-kɩlaʋ sɩm pɔ-yɔɔ.
‎Ñʋŋ 7 nɛ 8 taa Pɔɔlɩ tazɩ tɔm ndʋ Moyizi
‎Paɣtʋ yɔɔdʋʋ pɩlɩɩnɩ kɩwɛɛkɩm yɔɔ yɔ pɩ-taa,
‎nɛ ɛlɩzɩ ɖɔɖɔ mbʋ pʋyɔɔ Krɩstʋ
‎ñɩma fɛyɩ paɣtʋ ndʋ tɩ-tɛɛ yɔ pɩ-taa.
‎Ñʋŋ 9 nɛ 10 taa, Pɔɔlɩ lɩzɩ pɩ-taa se
‎paa ɛyaa ɩtɩɩkɛ le mba yɔ,
‎papɩzɩɣ nɛ papɩsɩ Ɛsɔ piya
‎fezuu taa, ye pɛwɛnɩ tisuu yɔ.
‎Ñʋʋ 11 taa, Pɔɔlɩ labɩnɩ tʋmɩyɛ
‎oliivi tɩʋ ŋgʋ pɔsɔwa yɔ, kɩ-tɛ kɩɖaʋ.
‎Pakpaɣ Yuuda ñɩma, mba paatisiɣ Mesiya
‎yɔɔ yɔ nɛ pamaɣzɩnɩ pilinzi nzɩ pɛsɛtaa yɔ.
‎Nɛ pakpaɣ sɩɩnaa layaa
‎mba papɩsɩ Krɩstʋ mba yɔ,
‎nɛ pamaɣzɩnɩ ñɩtʋ taa oliivi pilinzi nzɩ
‎pɔkɔnaa nɛ pɔsɔ lɛɛsɩ lona taa yɔ.
‎Pɩsa nɛ pɛwɛɛ tɩʋ yɔɔ tam lɛ,
‎pɩwɛɛ se pa-tɩŋa pɛwɛɛnɩ tɩ luzuu
‎nɛ pɛwɛɛnɩ ɖɔɖɔ tisuu Yesu yɔɔ.
‎Ñʋŋ 12 nɛ 13 taa Pɔɔlɩ seɣti Krɩstʋ ñɩma
‎se laŋhɛzɩyɛ ɛwɛɛ pa nɛ lalaa pɛ-hɛkʋ taa,
‎pɔsɔɔlɩ ɖama nɛ paña
‎ɖɔɖɔ komina ñʋndɩnaa.
‎Ñʋŋ 14 nɛ 15 taa
‎patasɩ Krɩstʋ ñɩma lɔŋ se
‎peyele ɖama hʋnʋʋ tɔm,
‎ɛlɛ pɩwɛɛ se pasɩnɩ ajamaa.
‎Ñʋʋ 16 taa Pɔɔlɩ kɔ takayaɣ ñʋʋ
‎nɛ tɔm ndʋ tɩkpazɩɣ ɖoŋ yɔ
‎nɛ ɛsɛɛ koobiya ndɩ ndɩ 26,
‎mba ɛya-wɛ nɛ pa-hɩla yɔ.
‎Ŋŋkalɩɣ takayaɣ ŋga fezuu kiɖeɖeu
‎sɩnaa nɛ pama Roma mba yɔ lɛ,
‎yʋsɩ ɛzɩma Ɛsɔ ɛɛtʋkʋʋ ɛyaa taa yɔ,
‎ɛzɩma pɩwɛɛ se Krɩstʋ ñɩma ɩla nɛ
‎laŋhɛzɩyɛ wɛɛ pa nɛ lalaa pɛ-hɛkʋ taa yɔ,
‎nɛ ɛzɩma tisuu mbʋ ɖɩwɛnɩ Yesu weyi
‎ɛkɛ Ɛsɔ Kewiyaɣ Wiyaʋ yɔ ɛ-yɔɔ yɔ,
‎pi-ɖeke pɩpɩzɩɣna nɛ pɩlɩzɩ-ɖʋ
‎kɩdɛkɛdɩm nɛ sɩm po-yomiye taa yɔ.