JW subtitle extractor

Le faatomuaga o le tusi o Roma.
I Tusitusiga Paia Eleni,
e muamua le tusi o Roma i tusi e 21
na auina atu i faapotopotoga.
O le 14 o nei tusi na tusia e Paulo
e aofia ai ma le tusi o Roma.
E foliga mai o le 52 T.A. na amata ai
le malaga faamisionare lona tolu a Paulo.
A o iai i Korinito i le pe ā o le 56 T.A.,
na tusi atu ai Paulo i Kerisiano i Roma,
o se aai e le‘i oo muamua i ai.
E 16 mataupu o le tusi o Roma.
O le mataupu 1,
o loo faamatala ai e Paulo lona faanaunauga
e asia Kerisiano i Roma,
ina ia fefaalaeiaua‘i le tasi i le isi.
Na ia faamatala ai foʻi e leai se ‘alofaga
o amioga faalēmata‘u a lenei lalolagi,
auā o uiga lē vaaia o le Atua
ua vaaia i ana foafoaga.
E te silafia?
Na faaaogā e Paulo Tesio e avea ma ana failautusi
e tusia le tusi o Roma.
E foliga mai na alu le tuafafine faamaoni o Fipe
ma le tusi i Roma,
pe ō foʻi ma le tagata na alu ma le tusi.
I le mataupu e 2, o loo taʻua ai e Paulo
le lē faailogatagata o le Atua.
E tutusa taʻiala na faamasinoina ai tagata Iutaia
ma tagata o Nuu Ese.
I le mataupu 3 ma le 4,
na faamatala ai e Paulo e ta‘uamiotonuina tagata Iutaia ma Eleni
pe a faaalia le faatuatua,
ma taʻua le faaaʻoaʻoga a Aperaamo
e faataʻitaʻi ai lea manatu.
Na soifua o ia a o leʻi tuuina mai le Tulafono iā Mose,
pe ofo atu e Iesu lona ola e fai ai le togiola.
Peitaʻi, sa silasila le Atua iā Aperaamo o sē e amiotonu
ona o le malosi o lona faatuatua.
I le mataupu e 5 ma le 6,
na faamatala ai e Paulo na agasala Atamu i le Atua,
ma ua aafia uma ai tagata i le agasala ma le oti.
E faatoʻā mafai ona tatou maua le faamoemoe,
pe a faatuatua iā Iesu ma lana taulaga togiola.
I le mataupu e 7 ma le 8,
o loo faamatala ai le auala
ua faaalia ai i le Tulafono a Mose le agasala,
ma le māfuaaga ua lē toe ola ai Kerisiano i le Tulafono.
I le 9 ma le 10,
o loo taʻua ai e Paulo e tusa po o ā o tatou atunuu,
ae mafai ā ona avea tatou
ma fanau faaleagaga a le Atua
pe a faaalia le faatuatua.
I le mataupu e 11,
na faaaogā ai e Paulo le faaaʻoaʻoga
i se laau olive na totō.
O tagata Iutaia na teena le Mesia
ua faatusa i lālā na gauia ese.
O lālā mai i se olive vao po o Kerisiano o Nuu Ese,
na faapipii i le laau o le olive
e sui aʻi lālā ua gauia.
Ina ia avea ma vaega o le laau,
e tatau ona latou lotomaulalo ma faatuatua iā Iesu.
I le 12 ma le 13,
na tima‘i ai Paulo i Kerisiano
ia nonofo filemu ma tagata uma,
alofa le tasi i le isi,
ma gauaʻi i faipule silisili.
I le mataupu e 14 ma le 15,
na fautuaina ai Kerisiano e aua le faamasinosino,
ae ia fesoasoani i ē e vaivai.
I le mataupu e 16,
na faaiʻu ai le tusi a Paulo i upu faalaeiau ma alofaaga māfana,
ma taʻua igoa o tagata taʻitoʻatasi e 26.
A o e faitau i le tusi faagaeeina o Roma,
mātau le lē faailogatagata o le Atua,
le tatau i Kerisiano ona nonofo filemu ma tagata uma,
ma le saʻoloto mai i le agasala ma le oti
pe a faaalia le faatuatua iā Iesu,
le Tupu o le Malo o le Atua.

Faatomuaga o le Tusi o Roma