JW subtitle extractor

Fampidiran̈a bokiny Romanina.
Misy taratasy 21 amy
Soratra Griky Kristianin̈y ao,
ke Romanina voanalohany amy zen̈y.
Apostoly Paoly nanoratra 14
amindro taratasy aby io,
an̈isanizen̈y Romanina.
Kadiriny tamy taon̈o 52,
Paoly nan̈ano dia misioneranany fahatelo.
Taminizy ta Korinto,
kadiriny tamy taon̈o 56,
Paoly nanoratra tamy Kristianin̈y ta Roma,
tanàna mbala tsiary nandalovany.
Misy toko 16 amy Romanina ao.
Amy toko 1 ao,
Paoly man̈ambara fa izy tihandeha
hamangy iro Kristianin̈y aby ta Roma tan̈y,
fotony izy tihifankahery amindro.
Nazavainy koa fa
tsy afaka tsin̈y lan̈iany olo
tsy man̈ahoa fitsipiky Zan̈ahary,
fotony Zan̈ahary ndray tsy hita maso,
toetrinany aby io hita amy raha namboariny.
Asa mba hainao?
Tertio nifidiny Paoly han̈ano sekreteranany
taminizy nanoratra taratasy io.
Mety ho Foiby,
ranabavy araiky tsy mivadiky amy zay,
nitondra taratasy io ta Roma
na niaraka taminolo nitondra izio tan̈y.
Amy toko 2 ao, Paoly nankamafy fa
Zan̈ahary tsy mba man̈avakavaka olo.
Miran̈a fo fitsipiky
hitsaran̈a Jiosy ndreky tsy Jiosy.
Amy toko 3 ndreky 4 ao,
Paoly man̈azava fa
baka amy finoan̈a han̈ambarany Zan̈ahary
olo araiky ho marin̈y,
na Jiosy zen̈y na Griky.
Izy baka tio nampiasa ohatrany Abrahama hankamafisan̈a zen̈y.
Abrahama baka velon̈o
talohany nazahoany Mosesy Lalàn̈a
ndreky talohany Jesosy
nan̈ano soron̈o ain̈inany.
Ndray zen̈y,
nikonteny Zan̈ahary
an̈isany olo marin̈y fo izy
fotony ten̈a niavaka
finoan̈a nanan̈any Abrahama.
Amy toko 5 ndreky 6 ndraiky,
Paoly nan̈azava fa
baka tamy fahotan̈any Adama nahavy olombelon̈o nandova fahotan̈a ndreky fahatesan̈a.
Tsy ho avotro atsika
izikoa tsy mino Jesosy ndreky soron̈o nataony.
Amy toko 7 ndreky 8 ao,
Paoly mikoran̈a fomba han̈azavany
Lalàn̈any Mosesy dikany fahotan̈a
ndreky antony mahavy
Kristianin̈y efa tsy fiheziny Lalàn̈a io eky.
Amy toko 9 ndreky 10,
hazavainy Paoly ao ndraiky fa
mety hanjary zanaka arapan̈ahiny Zan̈ahary
aby lan̈iany olo manan̈a finoan̈a,
ndray aia ndray aia tany faviany.
Amy toko 11,
Paoly mampiasa fan̈oharan̈a
momba kakazo olivy.
Nampiran̈iny amy sampan̈any
kakazo olivy nitapahan̈a,
iro Jiosy aby io
koa fa tsy nan̈eky Mesia.
Kristianin̈y tsy Jiosy aby io ndraiky
nampiran̈iny amy sampan̈any olivy dỳ
natao grefy tamy tany nisy
sampan̈any kakazo olivy nitapahan̈a in̈y.
Baka iro sampan̈any olivy dỳ aby io
manjary araiky fo amy vatany kakazo olivy io,
iro jiaby tsy maintsy manetry ten̈a
ndreky mino soron̈o nataony Jesosy.
Amy toko 12 ndreky 13,
Paoly mandrisiky iro Kristianin̈y aby io
mba hihavan̈a ndreky hifankatia tsarabe,
baka io han̈aja pitondra fanjakan̈a.
Amy toko 14 ndreky 15 ao,
misy torohevitry man̈iraka
iro Kristianin̈y aby io tsy hifampitsara
fa hanohan̈a ndreky han̈ampy
iro malemy arapan̈ahy.
Amy toko 16 amy zay,
Paoly mamaran̈a koran̈a
amy fankahirezan̈a
ndreky amy fandifasan̈a samitsara
mandeha aminolo manokan̈a.
Misy 26 iro ton̈oniny an̈aran̈a ao.
Anao koa fa mamaky taratasiny Paoly
mandeha amindro Romanin̈y aby io,
aleva onon̈o
karakory han̈aboahany Zan̈ahary
fa izy tsy man̈avakavaka olo,
nan̈ino Kristianin̈y
tokony hihavan̈a aminy hafa,
baka io amy karakory finoantsika Jesosy,
Panjakany Fanjakan̈any Zan̈ahary io,
hankafaka atsika amy fahotan̈a
ndreky fahafatesan̈a.

Fampidiran̈a Bokiny Romanina