JW subtitle extractor

Yi nãã bed’eabʉchuta 1 Corintios ʉ̃rʉ.
Apostol Pablobara bʉsi naʉ̃ kartara
kristianora Korintio pʉwʉrʉita,
adewara mama panasi awuru ẽbẽra bʉsiridapanʉta.
Yi ũmeta Pablora jʉ̃ẽsi jaradiade Korintoeda
akʉza mama k’arebasi kogregasion nʉmaita.
Iya yi ũbeata jaradia jʉ̃ẽside,
iyi Efesode bʉeda diasida karta bed’ea zroma ʉ̃rʉ bed’eabʉta,
kongregasion Korinto debema ʉ̃rʉ.
Poaga 55bade dayirã ewaride,
Pablobara bʉsi Korintio debemaraita maʉ̃ ʉ̃rʉ bed’eaita.
1 Korintiobara erbʉ 16 kapitulo.
Kapitulo 1 neba 4 bayeda,
Pablobara jaradiabʉ Korinto debemara
krĩcha awuara ba ẽ bamarẽã awuarabʉrʉ ãba panaibarata.
Jarabʉ mejãcha krĩcha ẽ baibarata k’aiba ubʉta
akʉza k’aiba koebʉta, Daizezebʉrʉ waribibʉ baera.
Kapitulo 5 deba akʉza 6 bayeda,
Pablora bed’eabʉ mia erk’ãĩ ʉ̃rʉ.
Kongregasionne bʉ mebẽã kayirua obʉta
mamina iya maʉ̃ kayirua obʉta idubʉ ẽ bʉrʉ
maʉ̃ yumakẽrãra ãĩbʉeibara kongregasionebara
nene ẽã bamarẽa.
Kristianorara jĩga panaibara kayirua oidebara
akʉza mia erk’aineba.
Kapitulo 7bara erbʉ ʉ̃rãg’a biata doba bai ʉ̃rʉ
akʉza juwa jidapanʉra ʉ̃rʉ.
Kapitulo 8 deba 10 bayeda,
dayirãba k’awuapanʉ, wuabemara baebi ẽ baita
adewara edaʉde idubʉibarata dayirãba obʉta,
wuabemaraba ũrĩnamarẽã.
¿K’awua basika?
Jemene Ísmiticora opanasi poaga ũme
berabari bʉrʉza korinto k’awa.
Pablora bed’easi wẽbai ʉ̃rʉ
k’arebaita kongregasion korintodebemata
k’awuadamarẽã k’ẽrẽpa zarea b’aita,
maʉra ũduk’aude baera.
Kapitulo 11de
Pabloba jarabʉ sãwũã oibarata Jesu beida jẽda kĩrãbeita.
Kapitulo 12de
Pabloba jarabʉ kongregasionra dayirã kakua kĩrãk’a bʉta
maʉ̃ba jarakĩrãbasi jõmã yi biata,
maʉ̃ba Jeowara sobiabʉ dayirã ãba trajabʉde.
Kapitulo 13de jarabʉ kãgaba k’ãrẽ obʉta
akʉza oẽãta.
Kapitulo 14ba jara ũrĩbibʉ ãba yi jʉrebʉrʉdera bia oibarata
akʉza adu’abaibarata.
Kapitulo 15ba ũdubibʉ beidarara wãrĩnu jẽda piradrʉita.
Nama Pabloba jarabʉ
Daizeze Bed’eade jarabʉ aripe berabaridata
akʉza Jesu jẽda piradrʉda ũdudarata,
adewara jarabʉ Jesu beidadeba erpanʉta
beideba ẽdrʉita akʉza kayiruadeba.
Kapitulo 16de Pabloba jarabʉ sãwũã k’arebadapeadata
kristianora Jerusalennebemaba nesidapananata.
1 Corintio akʉbʉrʉde
bi’ia k’awuara kristiano wãrĩnurãra ãba b’aibarata,
adewara jarabʉ kongregasionba wawiaibarata Jeowaba
jarabʉra mia erk’ãĩ ʉ̃rʉ
akʉza ĩjãibara Jesu beida
jẽda piradrʉita ewari jõmaʉ̃nẽ b’aita.

Yi naa bed'eabʉchuta 1 Corintios ʉ̃rʉ