JW subtitle extractor

Kɔrɛntɩ mba takayaɣ kajalaɣ
ñɩŋga yɔɔ kɔɔnɔɔ tɔm.
Apostoloo Pɔɔlɩ ma takayaɣ
kanɛ Krɩstʋ ñɩma
mba pɛwɛ tɛtʋ sɔsɔtʋ
ndʋ tɩ-taa nɛ sɔnzɩ ndɩ ndɩ
nɛ payaɣ-tʋ se Kɔrɛntɩ yɔ.
Pɔɔlɩ wobi Kɔrɛntɩ alɩwaatʋ ndʋ ɛɖɔŋaɣ
Ɛsɔtɔm tiyiyu nʋmɔʋ naalɛ ñɩŋgʋ yɔ,
nɛ ɛɖʋ nesi nɛ ɛgbɛyɛ ñɔ peeɖe.
Ɛɖɔŋaɣ Ɛsɔtɔm tiyiyu
nʋmɔʋ naadozo ñɩŋgʋ
nɛ pɩtʋʋ fɛyɩ se ɛwɛ
Efɛɛzɩ lɛ, pama-ɩ takayaɣ,
nɛ pɛkɛdɩ-ɩ lakasɩ kɩdɛkɛdɩsɩ
nzɩ sɩwɛ Kɔrɛntɩ ɛgbɛyɛ taa yɔ.
Pɩnaɣ 55 taa mbʋ yɔ, Pɔɔlɩ ma
Kɔrɛntɩ mba takayaɣ lakasɩ nzɩ sɩ-yɔɔ.
Ñʋŋ 16 wɛnɩ Kɔrɛntɩ mba
takayaɣ kajalaɣ ñɩŋga taa.
Ñʋŋ 1 nɛ piwolo 4 taa,
Pɔɔlɩ ñɔɔzɩ tayʋʋ lɩmaɣza
wena Kɔrɛntɩ mba kaawɛna yɔ
nɛ ɛpaɣ-wɛ se pala nɔɔ kʋɖʋmaɣ.
Pɔɔlɩ lɩzɩ pɩ-taa se
weyi eɖuwa nɛ weyi ɛmɩzɩ lɩm yɔ,
pɔ-tɔm tɩcɛyɩ,
Ɛlɛ Ɛsɔ weyi ɛlakɩ nɛ
pɩpaɣlɩɣ yɔ ɛ-tɔm cɛyɩna.
Ñʋŋ 5 nɛ 6 taa,
Pɔɔlɩ wɩlɩ-wɛ ɛzɩma pɔcɔnɩ
kʋzʋʋ kɩdɛkɛdʋʋ lakasɩ ɖeɖe yɔ.
Kɩwɛɛkɩm laɖʋ nɔɔyʋ wɛ pɛ-hɛkʋ taa
nɛ eekpiɖiɣ ɛ-lakasɩ kɩdɛkɛdɩsɩ yɔɔ.
Pɩwɛɛ se palɩzɩ-ɩ ɛgbɛyɛ taa
nɛ pakandɩyɩ koobiya yɔɔ.
Pɔɔlɩ paɣ ɛgbɛyɛ se ɖise
kʋzʋʋ kɩdɛkɛdʋʋ lakasɩ.
Ñʋʋ 7 yɔɔdʋʋ lɩmaɣza kɩbana wena
pɩwɛɛ se ɛyʋ ɛwɛɛnɩ ɛɖandʋ caɣʋ
nɛ nesi ɖɔkʋʋ yɔɔ yɔ, a-tɔm.
Ñʋŋ 8 nɛ piwolo 10 taa,
ɖɩkpɛlɩkɩɣ se nabʋyʋ taa, sɔɔlɩm yɔɔ lɛ,
pɩwɛɛ se ɖɩɖaŋ ɖa-tɩ nɛ ɖɩtaala
nabʋyʋ paa ɖɩwɛnɩ waɖɛ yɔ,
se pitaatuuli lalaa
yaa pɩɖɩɣ-wɛ nʋmɔʋ se pamʋ
laŋhɛzɩyɛ tɔm kɩbandʋ.
Ŋŋsɩm tʋ?
Palakaɣ hola aleɣya naayɛ Kɔrɛntɩ
tɛtʋ cɔlɔ kpam paa pɩnzɩ naalɛ nzɩ lɛ.
Ɛzɩma Kɔrɛntɩ mba sɩm
aleɣya ana camɩyɛ yɔ pʋyɔɔ lɛ,
Pɔɔlɩ labɩnɩ-yɛ tʋmɩyɛ
nɛ ɛwɩlɩ Kɔrɛntɩ ɛgbɛyɛ taa koobiya
mbʋ pʋyɔɔ siɣsiɣ wɛtʋ nɛ
laŋɩyɛ ɖɔkʋʋ tɔm cɛyaa yɔ.
Ñʋʋ 11 taa,
Pɔɔlɩ yɔɔdɩ ɛzɩma pɩwɛɛ se pala
Kɩbaɣlʋ Tɔɔnaɣ Tɔɔʋ sɔnzɩ yɔ pɩ-tɔm.
Ñʋʋ 12 taa,
Pɔɔlɩ kpaɣ ɛgbɛyɛ nɛ
ɛmaɣzɩnɩ ɛyʋ tomnaɣ pilinzi
nɛ ɛwɩlɩ se paa ɛgbɛyɛ taa
koobu weyi lɛ ɛwɛnɩ wazaɣ.
Yehowa taa lakɩ leleŋ
alɩwaatʋ ndʋ ɛnaɣ se ɖɩlakɩ
tʋmɩyɛ nɔɔ kʋɖʋmaɣ taa yɔ.
Ñʋʋ 13 yɔɔdʋʋ mbʋ sɔɔlɩm
lakɩ nɛ mbʋ sɔɔlɩm ɛɛlakɩ yɔ pɩ-tɔm.
Ñʋʋ 14 lɩzɩ pɩ-taa se pɩwɛɛ se ɛgbɛyɛ
kediɣzisi ɩɖɔ camɩyɛ nɛ pɩtʋʋzɩ cɔlɩɩɩ.
Ñʋʋ 15 ñɩɣ niye pɩ-yɔɔ se
sɩɖa fezuu tɔm kɛ toovenim
tɔm ndʋ tɩ-yɔɔ pɩtʋʋ fɛyɩ yɔ.
Pɔɔlɩ wɩlaa se Yesu femtu
kɛ natʋ tɔm ndʋ tɩlaba yɔ,
nɛ ɛyɔɔdɩ ɖɔɖɔ se ɛyaa sakɩyɛ
na Yesu alɩwaatʋ ndʋ pefezi-i yɔ.
Ɛlɩzɩ pɩ-taa se
Yesu kɩlaʋ sɩm ɖeke lɩzɩɣnɩ-ɖʋ
sɩm nɛ kɩdɛkɛdɩm yomiye taa.
Ñʋʋ 16 taa,
Pɔɔlɩ tasɩ lɔŋ pɩlɩɩnɩ
haɖɛ nɖɩ pɩwɛɛ se pala
nɛ paɖʋnɩ nesi Yeruzalɛm koobiya
mba pɛwɛ kɩcɛyɩm taa yɔ ɖɩ-yɔɔ.
Ŋŋkalɩɣ Kɔrɛntɩ mba
takayaɣ kajalaɣ ñɩŋga lɛ,
yʋsɩ ɛzɩma pɩwɛɛ se nɔɔ kʋɖʋmaɣ
ɛwɛɛ toovenim Krɩstʋ ñɩma hɛkʋ taa yɔ,
ɛzɩma pɩwɛɛ se ɛgbɛyɛ ɛñɔɔnɩ wezuu
kɩbaŋʋ caɣʋ paɣtʋ ndʋ Yehowa ɖʋwa yɔ,
nɛ ɛzɩma tisuu mbʋ
ɖɩwɛnɩ Yesu femtu yɔɔ yɔ,
piyeki se ɖihiɣ Kewiyaɣ wazasɩ yɔ.

1 Kɔrɛntɩ mba yɔɔ kɔɔnɔɔ tɔm